Azərbaycan Respublikası ilə Rusiya Federasiyası arasında əməkdaşlıq uğurla inkişaf edir və əlaqələrimiz strateji tərəfdaşlıq səviyyəsinə yüksəlib. Bu barədə iqtisadiyyat və sənaye naziri Şahin Mustafayev “İnterfaks-Azərbaycan” agentliyinə müsahibəsində bildirib.
«Ölkələrimiz arasında möhkəm müqavilə-hüquq bazası mövcuddur. İndiyədək Azərbaycan və Rusiya arasında iqtisadi sahə də daxil olmaqla 170-ə yaxın sənəd imzalanıb», - deyə nazir bildirib.
Onun sözlərinə görə, iki ölkə arasında əməkdaşlığın əsas istiqamətlərindən biri ticarət əlaqələridir. Ötən il Azərbaycan və Rusiya arasında ticarət dövriyyəsi 10,5 % artaraq 2,6 mlrd. ABŞ dolları təşkil edib. Təkcə 2013-cü ildə bu göstərici rekord həddə çataraq 250 mln. ABŞ dolları təşkil edib.
Ş.Mustafayev qeyd edib ki, cari ilin yanvar-oktyabr aylarında Rusiyaya qeyri-neft məhsullarının ixracı artıb.
“Rusiya bazarı Azərbaycan üçün ənənəvi bazardır və hər iki tərəf məhsul ixracının, xüsusilə kənd təsərrüfatı məhsullarının ixracının artırılmasında maraqlıdır. Ölkələrimizin iqtisadi potensialı qarşılıqlı investisiya qoyuluşuna böyük imkanlar yaradır. Son 10 ildə Azərbaycan tərəfindən Rusiya Federasiyasının iqtisadiyyatına 1 mlrd. ABŞ dollarından artıq birbaşa investisiya qoyulub. Rusiyanın Azərbaycan iqtisadiyyatına qoyduğu investisiyanın həcmi ümumilikdə 1,8 mlrd. ABŞ dolları təşkil edir”, - deyə o bildirib.
Nazir deyib ki, Azərbaycanda xidmət, tikinti, ticarət, rabitə, sənaye, kənd təsərrüfatı, nəqliyyat, bank və sığorta sahələrində fəaliyyət göstərən Rusiya investisiyalı 570 şirkət qeydiyyata alınıb.
Rusiya şirkətləri həmçinin, Azərbaycanda həyata keçirilən layihələrdə podratçı qismində iştirak edirlər. Azərbaycan Rusiyanın federal subyektləri ilə də uğurla əməkdaşlıq edir.
Onun sözlərinə görə, son 5 ildə hər iki ölkənin iş adamlarının iştirakı ilə 30-dan çox biznes-forum və işgüzar görüşlər keçirilib. Təkcə 2014-cü il ərzində 12 belə tədbir təşkil olunub.
Ş.Mustafayevlə müsahibə www.interfax.az saytında dərc olunacaq.
A.Axundov
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət