Qafqaz Müsəlmanları İdarəsinin (QMİ) sədri şeyxülislam Allahşükür Paşazadə dünya birliyini 20Yanvar faciəsnə beynəlxalq qiymət verməyə çağırır.
1990-cı il 20 yanvar günü həlak olmuş şəhidlərin dəfn edilməsinin ildönümünə həsr olunmuş tədbirdə çıxış edən A.Paşazadə söyləyib ki, faciənin səbəbi o zamankı ölkə rəhbərliyinin xalq tərəfindən seçilməyib, mərkəzdən təyin edilməsi idi.
“ O zamankı rəhbərlik (AzərbaycanSSR Kommunist Partiyası Mərkəzi Komitəsinin I katibi Əbdürrəhman Vəzirov-İF-Az) imperiyanın köləsi idi”, - deyə A.Paşazadə bildirib.
Onun sözlərinə görə, bu faciəyə görə məsuliyyət SSRİ rəhbərliyinin, birbaşa Mixail Qorbaçovun, marşal Dmitri Yazovun və Yevgeni Primakovun üzərinə düşür.
“1990-cı illərdə Qorbaçov, Yazov və Primakov Azərbaycanı bölüşdürmüşdülər və bunu rəsmiləşdirmək istəyirdilər. Azərbaycana radikal İslam damğası vuraraq buranı dağıtmaq istəyirdilər, ancaq xalq buna imkan verməyib, öz sözünü deyib, Azərbaycanın tolerant ölkə olduğunu sübut edib”,- deyə şeyx bildirib.
QMİ sədri söyləyib ki, küçələrdə həlak olanların dəfn mərasiminə Bakıda və digər şəhərlərdə süni şəkildə maneələr törədilirdi.
“Bizə təzyiqlər başlandı. Hətta həlak olanların dəfninə də mane olurdular. Deyirdilər ki, Dağüstü Park olmaz, hərəni öz qəbiristanlığında dəfn edin. Hətta onlara şəhid deyilməsin. Lakin biz buna yol vermədik, soydaşlarımızı layiq olduğu şəkildə dəfn etdik”,- deyə şeyx qeyd edib.
20 Yanvar hadisələrinə həsr olunmuş tədbir QMİ nümayəndələri tərəfindən Qurani-Kərimdən ayələrin oxunması ilə başlanıb, daha sonra Bakı və Azərbaycanın arxiyepiskopu Aleksandr və Dağ Yəhudiləri Dini İcmasının rəhbəri Milix Yevdayev 20 Yanvar şəhidlərinin ruhuna dualar oxuyublar.
20 Yanvar faciəsində həlak olanların bir hissəsi 1990-cı il yanvarın 26-da Lənkəran, Neftçala və digər şəhərlərdə dəfn edilib.
F.İsazadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NeoKart sahibləri keşbek faizini özləri təyin edə biləcək!
Yelo Bank-ın dəstəyi ilə "Lider, yoxsa rəhbər" mövsuzunda top forum keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət