SOCAR “Azərneftyağ” neft emalı zavodunun fəaliyyətinə xitam verilməsi və Heydər Əliyev adına Bakı Neft Emalı Zavoduna (BNEZ) birləşdirilməsi ilə əlaqədar yeni ştat cədvəlini təsdiq edib. Bu barədə SOCAR-ın rəsmi saytında məlumat verilir.
Məlumatda qeyd edilir ki, fevralın 3-də “Azərneftyağ” neft emalı zavodunun fəaliyyətinə xitam verilməsi və Heydər Əliyev adına BNEZ-ə birləşdirilməsi nəticəsində aparılacaq struktur dəyişiklikləri ilə əlaqədar zavod kollektivi ilə görüş keçirilib.
“Heydər Əliyev adına BNEZ-in yeni ştatlarının əmək funksiyalarının icrası üçün tələb olunan daha yüksək peşəkarlıq səviyyəsinə malik işçilərlə komplektləşdirilməsi məqsədi ilə hər iki zavodun işçiləri işlədikləri vəzifə və peşələr üzrə İnsan Resursları Departamentində keçiriləcək test imtahanlarında iştirak edəcəklər. İmtahanlarda başqalarına nisbətən yüksək bal toplamış işçilər yeni strukturda yerləşdiriləcəklər”, - deyə məlumatda bildirilir.
Qeyd olunur ki, mövcud qanunvericiliyə əsasən əmək müqaviləsinə xitam verilməsi qadağan olunan işçilər test imtahanında iştirak etmədən qanunvericiliyin tələbləri gözlənilməklə yeni strukturda birbaşa yerləşdiriləcəklər.
Test imtahanlarında az bal toplayan şəxslər“ARDNŞ üzrə sərbəstləşən işçilərin məşğulluğunun və sosial dayanıqlığının təmin olunmasına dair” Proqrama qoşula bilərlər. Bir illik proqram çərçivəsində onların əmək haqlarının 50%-i və tibbi sığorta güzəştləri, eyni zamanda şirkətin digər strukturlarında ixtisas və iş təcrübələrinə uyğun vakansiya yaranarsa, işlə təmin olunmaq hüquqları saxlanılacaq.
Xəbər verildiyi kimi, SOCAR-ın prezidentinin 24 dekabr 2014-cü il tarixli əmri ilə 2015-ci il yanvarın 1-dən etibarən “Azərneftyağ” neft emalı zavodunun fəaliyyəti dayandırılıb və BNEZ-ə birləşdirilib. İki NEZ-in birləşdirilməsində məqsəd emal proseslərinin daha çevik idarə edilməsi və idarəetmənin bir mərkəzdən həyata keçirilməsidir.
SOCAR-ın emal üzrə vitse-prezidenti David Məmmədov, öz növbəsində deyib ki, “Azərneftyağ” NEZ və Bakı NEZ-in birləşdirilməsi 4 ilə yaxın vaxt aparacaq, “Azərneftyağ”da işləyən əsas qurğular BNEZ-in tərkibində fəaliyyətini davam etdirəcək.
N.Abbasova
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bank Respublika biznes müştəriləri üçün “Mobil Ofis Biznes” tətbiqini yenilədi!
Yelo Bank-ın dəstəyi ilə “Eko Dilçilik” beynəlxalq forumu keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət