Rusiyalı sahibkar German Sterliqov işğal olunmuş Dağlıq Qarabağa səfər etdiyinə və orada olduğuna və bununla da Azərbaycanın qanunlarına məhəl qoymadığına görə cinayət məsuliyyətinə cəlb olunmalıdır. Moldovanın İctimai Palatasının sədri Aureliya Qriqoriu belə hesab edir.
“Hesab edirəm ki, qaçaq oliqarx Sterliqovun hərəkətlərini qiymətləndirmək Rusiya hüquq-mühafizə orqanlarının işidir. Məlumdur ki, sahibkarın qanunla problemləri var. Sərhədi qanunsuz keçməyə görə isə məsuliyyətə cəlb olunmalıdır”, - deyə A.Qriqoriu “İnterfaks-Azərbaycan” agentliyinə bildirib.
O qeyd edib ki, qiymətləndirmədən asılı olaraq bu cinayətə görə Azərbaycan qanunvericiliyi ilə müxtəlif sanksiyalar, cərimədən başlayaraq 5 il müddətinə qədər azadlıqdan məhrumetmə cəzası nəzərdə tutulur. “Dağlıq Qarabağ ərazisinə qanunsuz gələn şəxslərin törətdiyi bu cinayətin dəqiq tövsif edilməsi, həmçinin bu işlərə baxılması və cinayətkarların qanuni məhkəmə tərəfindən mühakimə olunması zəruridir. Bu halda söhbət Azərbaycan məhkəmələrindən gedir. Düşünürəm ki, heç də hər kəs məhkəməyə cəlb olunmaq istəməz. Və dost dövlətin qanununu pozmazdan öncə hər bir şəxs bunun ona nəyə başa gələcəyini anlamalıdır. Qanundan bixəbər olmaq da onu məsuliyyətdən azad etmir. Axı Rusiyanın dövlət sərhədini pozmuş şəxsin bu cinayətin onun üçün nə ilə nəticələnəcəyini bilib-bilməməsi heç kimi maraqlandırmır. Həmin şəxs sadəcə cinayət məsuliyyətinə cəlb edilir. Qeyd-şərtsiz”, - deyə A.Qriqoriu bildirib.
“Nə üçün Azərbaycan ərazisi olan Dağlıq Qarabağa qanunsuz səfər edən şəxslər barəsində mexanizm və sanksiyalar nəzərdə tutulmayıb? Mən əslində sülhsevər insanam, lakin hesab edirəm ki, digər ölkənin qanunlarına açıq şəkildə məhəl qoymayan şəxslər cinayət məsuliyyətinə cəlb olunmalıdırlar”, - deyə Moldovanın İctimai Palatasının sədri qeyd edib.
Xatırladaq ki, “Russkaya slujba novostey” agentliyi məlumat verib ki, Sterliqov Rusiyanı tərk edib və əmlakını satışa çıxarıb. Onun köməkçisi Polina Sirota məlumat verib ki, o, iyulun 4-də həyat yoldaşı və uşaqları ilə birgə Qarabağa yola düşüb.
Əcnəbilərin Ermənistan tərəfindən işğal olunmuş Azərbaycan ərazilərinə Bakı ilə razılaşdırılmamış səfərləri Azərbaycan qanunvericiliyinə əsasən cinayət hesab olunur. Azərbaycan Xarici İşlər Nazirliyi G.Sterliqovun Dağlıq Qarabağda olması barədə məlumat təsdiq olunduqdan sonra onun adını arzuolunmaz şəxslərin qara siyahısına daxil edib.
F.Hüseynzadə
AccessBank Əmlakın qiymətləndirməsi üzrə tender elan edir
Azpetrol şirkəti Laçın rayonunda Modul tipli YDM istifadəyə verdi
AccessBank QSC PAM (privileged account monitoring tool) alışı üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət