Gürcüstanın baş naziri İrakli Qaribaşvili siyasi opponentlərinin guya Gürcüstan hakimiyyətinin qaz sahəsində Azərbaycanla münasibətlərini təkrar nəzərdən keçirmək niyyətində olmasına dair bəyanatlarını cəfəngiyyat adlandırıb.
“Azərbaycanla qarşılıqlı əlaqələrin təkrar gözdən keçirilməsi planlaşdırılmır. Azərbaycanla strateji münasibətlər olub, mövcuddur və dövlətimiz və hökumətimizin əsas istiqamətlərindən biridir”, - deyə İ.Qaribaşvili bazar ertəsi jurnalistlərin “Qazprom” ilə danışıqlara və ölkəyə tədarük olunan Azərbaycan qazının Rusiya qazı ilə əvəzlənməsi mümkünlüyünə dair suallarını cavablandırarkən bəyan edib.
Hökumət başçısı Azərbaycanla bağlı siyasəti təkrar gözdən keçirmək barədə ümumiyyətlə düşünmür.
“Bəzi siyasətçilər Azərbaycanla bağlı siyasətin təkrar nəzərdən keçirilməsi barədə necə düşünə bilər? Bu, tam cəfəngiyyatdır. Müxalifət partiyalarımızın nümayəndələrinin bu cür cəfəng mövzunu uydurması məni təəəccübləndirir. Bu mövzuya görə onlar məsuliyyət daşıryırlar. Azərbaycan qazının heç bir diversifikasiyası-əvəz edilməsi barədə söhbət gedə bilməz”, - deyə İ.Qaribaşvili vurğulayıb.
Ötən şənbə günü Bakıya işgüzar səfəri və Azərbaycan prezidenti İlham Əliyevlə görüşü barədə danışan baş nazir qeyd edib ki, görüş zamanı “ölkələrimiz arasında çox sıx dostluq münasibətləri, həmçinin onların dərinləşməsi perspektivləri müzakirə olunub”.
Daha əvvəl Gürcüstanın müxalif “Vahid Milli Hərəkatı” (eks-prezident Mixail Saakaşvilinin partiyası) hökumətdən Təhlükəsizlik Şurasının çağırılmasını tələb etmişdi. Onlar hesab edirdilər ki, “Qazprom” ilə Rusiya qazının tədarük həcmlərinin mümkün artırılmasına dair danışıqların məqsədəuyğunluğuna məhz bu formatda baxılmalıdır.
Xəbər verildiyi kimi, sentyabrın 25-də baş nazirin müavini, Gürcüstanın energetika naziri Kaxa Kaladze və “Qazprom”un rəhbəri Aleksey Miller Brüsseldə görüş zamanı qaz sahəsində əməkdaşlıq, xüsusilə Rusiya qazının Gürcüstana nəqli və onun üçüncü ölkələrə, əsasən Ermənistana tədarükünə dair əməkdaşlıq məsələlərini müzakirə ediblər.
Hazırda Rusiya qazının Gürcüstana nəqli yalnız onun Ermənistana tranzitinə görə ödəniş şəklində həyata keçirilir. Buna görə tədarükün ümümi həcminin 10%-i respublikaya qalır. Azərbaycan Gürcüstana əsas qaz idxalçısıdır.
AccessBank Əmlakın qiymətləndirməsi üzrə tender elan edir
Azpetrol şirkəti Laçın rayonunda Modul tipli YDM istifadəyə verdi
AccessBank QSC PAM (privileged account monitoring tool) alışı üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət