Rafael Abbasov “ABB-Moskva”nın (Azərbaycan Beynəlxalq Bankının Rusiyadakı törəməsi) İdarə Heyətinin sədri vəzifəsinin müvəqqəti icraçısı təyin edilib. Bu barədə “İnterfaks-Azərbaycan” agentliyinə bankdan məlumat verilib.

“Hazırda “ABB-Moskva”nın İdarə Heyəti 4 nəfərdən ibarətdir: İdarə Heyətinin sədri vəzifəsini icra edən Rafael Abbasov, İdarə Heyətinin sədr müavini Balabəy Balabəyov, baş mühasib Svetlana Sarjina, İnformasiya Texnologiyaları Departamentinin direktoru Qulu Abbasov”, - deyə məlumatda qeyd olunur.

“ABB-Moskva” 2002-ci ildə təsis edilib və "Azərbaycan Beynəlxalq Bankı" ASC-nin törəmə strukturudur.

Bank Rusiyanın iri maliyyə-kredit müəssisələrinin TOP-150-nə daxildir. Hazırda bankın şəbəkəsi Moskva, Sankt-Peterburq və Yekaterinburqda satış ofislərindən ibarətdir.

A.Axundov