Bazar ertəsi manatın 47,6% devalvasiyasından sonra mobil telefon satışı ilə məşğul olan mağazalar qiymətləri artırıb.
“Manatın devalvasiyasından dərhal sonra biz telefonların qiymətlərini qaldrımağa məcbur olduq. Bu, normal vəziyyətdir, çünki malı dollarla alırıq və onun satış qiyməti məzənnədən irəli gəlir. Əgər məzənnə dəyişirsə, qiymət də dəyişir”, - deyə mobil telefonların satışı ilə məşğul olan mağazalardan birinin sahibi “İnterfaks-Azərbaycan” agentliyinə bildirb.
Onun sözlərinə görə, Yeni il ərəfəsi fəal ticarət dövrü hesab edilir. “Lakin manatın devalvasiyasına görə bi il gəlirim deyil, zərərim olacaq. Dəyəri 800 manat olan IPhone 6 indi ən azı 1,2 min manat olub. Qiymətlərin artımı satışın azalmasına səbəb olacaq, müvafiq olaraq, gəlirlərimizin azalması və itkilərin artması ilə nəticələnəcək”, - deyə o vurğulayıb.
Bununla belə, o qeyd edib ki, hazırda bazarda qeyri-müəyyən vəziyyət yaranıb. “Azərbaycana mobil telefon idxal edən şirkətlər gözləmə mövqeyi tutublar. Onlar respublikaya mal gətirmirlər, məzənnə ilə bağlı vəziyyətin aydınlaşmasını gözləyirlər”, - deyə mağaza sahibi vurğulayıb.
Onun sözlərinə görə, mobil telefon satışı ilə məşğul olan satıcıların mobil rabitə operatorları ilə problemləri yaranacaq. “Çalışdığımız mobil rabitə operatoru bizə bonuslar üzrə 7-8 ayın pulunu borcludur və bu məbləğ manatladır. Misal üçün, bizə 20 min manat borcları var idi, bu da devalvasiyadan öncə $19 minə yaxın təşkil edirdi. Devalvasiyadan sonra 20 min manat artıq $13 mindən az həcmdədir, yəni bununla da bağlı itkilərimiz olacaq”, - deyə o əlavə edib.
Azərbaycan Mərkəzi Bankının (AMB) İdarə Heyəti 21 dekabr 2015-ci il tarixindən etibarən üzən məzənnə rejiminə keçidlə bağlı qərar qəbul edib. Bunun ardınca AMB manatı 47,6% devalvasiya edərək manatın dollara nisbətən məzənnəsini 1,55 manat/$1 səviyyəsində müəyyən edib. Cari ilin fevral ayında ilk devalvasiya nəzərə alınmaqla 2015-ci ildə manat dollara nisbətən təxminən iki dəfə ucuzlaşıb.
A.Əzizov
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank-da ESG mövzusunda tədbir keçirilib
Bank Respublika biznes müştəriləri üçün “Mobil Ofis Biznes” tətbiqini yenilədi!
Yelo Bank-ın dəstəyi ilə “Eko Dilçilik” beynəlxalq forumu keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət