SOCAR (Azərbaycan Dövlət Neft Şirkəti, ARDNŞ) və Rusiyanın “Transneft” şirkəti arasında 2016-cı ildə Bakı-Novorossiysk neft boru kəməri ilə Azərbaycan neftinin nəqlinə dair müqavilənin imzalanması tarixi hələlik müəyyən edilməyib. Bu barədə “İnterfaks-Azərbaycan” agentliyinə SOCAR-ın Marketinq və İqtisadi Əməliyyatlar İdarəsindən məlumat verilib.
“Müqavilənin layihəsi hazırdır və 2015-ci ildə imzalanan ilə eynidir. Lakin, burada bəzi nüanslar var ki, onları dəqiqləşdirib yeni sazişdə qeyd etmək istərdik. Bu səbəbdən danışıqlar davam edir, müqavilənin imzalanacağı tarix hələlik məlum deyil”, - deyə İdarənin nümayəndəsi qeyd edib.
O həmçinin məlumat verib ki, “Transneft” ilə yeni müqavilənin olmaması SOCAR-a Bakı-Novorossiysk boru kəməri ilə neft nəqli həyata keçirməyə imkan vermir.
“Buna görə, fevral ayında SOCAR-ın nefti “şimal” marşrutu ilə nəql olunmayacaq. Ötən ilin dekabr və 2016-cı ilin yanvar aylarında biz həmçinin bu marşrut ilə neft nəql etmədik. Lakin bu, “Transneft”ə məlumat verdiyimiz bəzi texniki səbəblərə görə baş verib”, deyə İdarənin nümayəndəsi bildirib.
O həmçinin qeyd edib ki, hazırda Bakı-Novorossiysk neft kəməri ilə nəql üçün nəzərdə tutulan neft həcmini SOCAR Baki-Tbilisi-Ceyhan neft kəmərinə yönəldir.
Xəbər verildiyi kimi, SOCAR 2016-cı ildə Bakı-Novorossiysk neft kəməri ilə 1,4 mln. ton Azərbaycan nefti nəql etməyi planlaşdırır.
Dövlət Gömrük Komitəsinin məlumatına əsasən, 2015-ci ildə ARDNŞ “şimal” marşrutu ilə 1 mln. 186,918 min ton neft nəql edib.
Azərbaycan 1997-ci ildən etibarən Bakı-Novorossiysk boru kəməri ilə neftini nəql edib.
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bakcell Fəvvarələr Meydanında yeni innovativ mağazasını təqdim etdi!
Yelo Bank “Summer Challenge 2024” təcrübə proqramını elan edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət