Bakı Apellyasiya Məhkəməsi Yasamal Rayon Məhkəməsinin hüquq müdafiəçisi Leyla Yunus və həyat yoldaşı Arif Yunus barəsində çıxarılmış şərti azadlıqdan məhrum etmə cəzasına qarşı qaldırdıqları iddianın təmin edilməməsinə dair qərarını qüvvədə saxlayıb. Bu barədə “İnterfaks-Azərbaycan” agentliyinə onların vəkili Elçin Sadıqov məlumat verib.
“Məhkəmə apellyasiya şikayətini təmin etməyib. Yasamal Rayon Məhkəməsinin qərarı qüvvədə qalır”, - deyə vəkil bildirib.
O, həmçinin yaxın vaxtlarda Apellyasiya Məhkəməsinin qərarından kassasiya şikayəti verəcəklərini qeyd edib.
“Biz bu qərarla razı deyilik və kassasiya şikayəti verəcəyik. Leyla və Arifin səhhətini nəzərə alaraq bu şikayət yaxın vaxtlarda veriləcək”, - deyə o vurğulayıb.
Xəbər verildiyi kimi, Leyla və Arif Yunuslar müalicə üçün müvəqqəti Azərbaycan Respublikası hüdudlarından kənara çıxmağa icazə verilməsi üçün Yasamal Rayon Məhkəməsinə ərizə ilə müraciət ediblər. Məhkəmə onların müraciətini təmin etməyib.
2015-ci il noyabrın 12-də Bakı Apellyasiya Məhkəməsi A.Yunus barəsində çıxarılmış həbs qətimkan tədbirini dəyişdirib. O, məhkəmə zalından azadlığa buraxılıb və hazırda ev dustağıdır.
Ötən ilin dekabr ayında Bakı Apellyasiya Məhkəməsi L.Yunus barəsində çıxarılmış həbs qətimkan tədbirini ev dustaqlığı ilə əvəz edib. Dekabr ayında LYunus məhkəmə zalından azadlığa buraxılıb.
Bakı Ağır Cinayətlər Məhkəməsinin 13 avqust tarixli hökmü ilə L.Yunus 8 il 6 ay, A.Yunus isə 7 il müddətinə azadlıqdan məhrum edilib. Hökm dələduzluq, qanunsuz sahibkarlıq, vergidən yayınma, sənədləri saxtalaşdırma maddələrinə əsasən çıxarılıb.
Hər iki şəxs barəsində Cinayət Məcəlləsinin 274-cü (Dövlətə xəyanət) maddəsi ilə başlanmış cinayət işi ayrı icraata verilib.
F.İsazadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət