2016-cı ildə Azərbaycan Dövlət Neft Fondu (ARDNF) Türkiyədə “STAR” neft emalı zavodunun (NEZ) tikintisinə $204,8 mln. vəsait ayıracaq. Bu barədə “İnterfaks-Azərbaycan” agentliyinə fonddan məlumat verilib.
2015-ci ilin əvvəlində ARDNF “STAR” NEZ-in tikinti layihəsində Azərbaycanın payının maliyyələşdirilməsinin başa çatdığını elan edib.
“2013-2014-cü illərdə ARDNF-nin vəsaitindən bu məqsədlərə $760 mln. ayrılıb. Fondun büdcəsində düzəlişlərə uyğun olaraq, cari il ARDNF “STAR” layihəsində Azərbaycanın payının maliyyələşdirilməsini bərpa edəcək və bu məqsədlərə $204,8 mln. ayrılacaq”, - deyə fonddan qeyd ediblər.
“İnterfaks-Azərbaycan” agentliyinə fonddan verilən məlumata görə, mayın sonuna “STAR” NEZ-in tikintisi üzrə işlərin 68%-i icra olunub.
“SOCAR Turkey Enerji” 2011-ci il oktyabrın 25-də İzmir şəhərində “STAR” NEZ-in təməlini qoyub. Zavodun tikintisi üzrə baş podratçı “Tecnicas Reunidas SA”, “Saipem SpA”, “GS Engineering & Construction Corp” və “Itochu” şirkətlər alyansıdır. 2013-cü ilin may ayında alyansla EPC müqaviləsi (Engineering, procurement and construction) imzalanıb.
NEZ-in illik gücü 10 mln. ton neft təşkil edəcək. Zavodda “Urals”, “Azəri Light” və “Kərkük” kimi neft markalarının emalı planlaşdırılır. Zavodun tikintisi “Petkim” neft-kimya kompleksini xammalla təmin etməyə və SOCAR-ın dizel yanacağı, aviasiya kerosini, eləcə də kimya sənayesi üçün xammalla böyük Aralıq dənizi bazarına çıxmasına imkan verəcək. 2018-ci ildə zavodun istifadəyə verilməsi planlaşdırılır.
“SOCAR Turkey Enerji” şirkəti “Petkim” neft-kimya kompleksinin nəzarət səhm paketinin (51%) sahibidir. Şirkət, həmçinin Türkiyədə yeni neft emalı zavodu, konteyner terminalının tikintisi və ölkənin daxili bazarına qaz tədarükü ilə məşğuldur.
Layihənin ümumi dəyəri $5,65 həcmində qiymətləndirilir. 2014-cü ilin iyun ayında “SOCAR Turkey Enerji” şirkəti İzmirdə 23 kommersiya bankı ilə “STAR” neft emalı zavodunun tikintisi layihəsinin maliyyələşdirilməsinə dair kredit sazişləri imzalayıb. Cəlb edilən vəsaitlərin həcmi $3 mlrd. 290 mln. təşkil edib. **
A.Əzizov
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bank Respublika biznes müştəriləri üçün “Mobil Ofis Biznes” tətbiqini yenilədi!
Yelo Bank-ın dəstəyi ilə “Eko Dilçilik” beynəlxalq forumu keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət