Azərbaycan hökuməti 2020-ci ilədək maliyyə dərinliyini (kreditlərin qeyri-neft ÜDM-nə nisbəti) 60%-ə çatdırmağı nəzərdə tutur. Bu barədə Azərbaycan Respublikasında maliyyə xidmətlərinin inkişafına dair Strateji Yol Xəritəsində deyilir.
2015-ci ilin yekunları üzrə Azərbaycan iqtisadiyyatına kredit qoyuluşlarının ümumi həcmi 21,7 mlrd. manat, qeyri-neft ÜDM-nin – 37,67 mlrd. manat təşkil edib. Beləliklə, maliyyə dərinliyi 57,6% səviyyəsində olub.
Strateji Yol Xəritəsinə əsasən, maliyyə xidmətlərinin inkişafına yönəlmiş tədbirlərin həyata keçirilməsi 2020-ci ilədək bir sıra strateji hədəflərə nail olmağa imkan verəcək. Bu hədəflər maliyyə dərinliyinin 60%-ə çatdırılması, bank sektorunun gəlirliliyinin 2015-ci ilin göstəricisi ilə müqayisədə 7% artırılması, qeyri-işlək kreditlərin xüsusi çəkisinin 8%-dək azaldılmasından ibarətdir (2016-cı ilin I rübündə bu göstərici 16,8% təşkil edib).
“Strateji hədəflər bunlardır: maliyyə sisteminin daxili və xarici şoklara davamlılığının təmin edilməsi, maliyyə sistemi infrastrukturunun gücləndirilməsi, maliyyə sisteminin inkişaf potensialının yüksəldilməsi”, - deyə sənəddə bildirilir.
Bu hədəflərə çatmaq üçün Azərbaycan hökuməti 2016-2020-ci illərdə bank sektorunda likvidlik və kapitalla bağlı problemləri həll etmək niyyətindədir.
"2025-ci ilədək qarşıda duran vəzifələr isə bank srktorunda konsolidasiya proseslərinin sürətləndirilməsi, bankların mənfəətliliyinin artırılması ilə bağlıdır", - deyə Strateji Yol Xəritəsində vurğulanır.
Azərbaycan hökuməti 2025-ci ilədək səhm və istiqraz bazarının səmərəli fəaliyyətini təmin etməyi, kredit bürolarının infrastrukturunu təkmilləşdirməyi, bank sektorunu Bazel III standartlarına uyğunlaşdırmağı planlaşdırır.
2025-ci ilədək informasiya-kommunikasiya texnologiyalarının müasir nailiyyətləri hesabına bank xidmətlərindən istifadə səviyyəsinin genişləndirilməsi və beləliklə, bank əməliyyatlarının 90%-dən çoxunun alternativ kanallar vasitəsilə aparılması nəzərdə tutulur.
Bundan başqa, 2025-ci ilədək bank xidmətlərinin səviyyəsinin aparıcı dünya standartlarına çatdırılması planlaşdırılır.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
AccessBank İsveçrənin responsAbility Investment AG şirkətindən $5 mln kredit cəlb edib
NeoKart sahibləri keşbek faizini özləri təyin edə biləcək!
Yelo Bank-ın dəstəyi ilə "Lider, yoxsa rəhbər" mövsuzunda top forum keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət