Bloger Aleksandr Lapşinin həbsi və ekstradisiyası Azərbaycanın işğal edilmiş ərazilərində yaradılmış qondarma separatçı rejimin təbliğatı proqramına ciddi zərbədir. Rusiyalı politoloq Oleq Kuznetsov belə hesab edir.
"Aydındır ki, Lapşinin həbsi Ermənistanın Azərbaycanın işğal edilmiş ərazilərində yaradılan rejimin təbliği məqsədilə həyata keçirdiyi proqrama çox ciddi zərbə vurub”, - deyə o, Bakıda keçirilən mətbuat konfransında bildirib.
Politoloqun sözlərinə görə, Ermənistan tərəfindən çıxış edən A.Lapşin Azərbaycana qarşı ideoloji mübarizə aparırdı. "Həm də bunu qanunları pozmaqla edirdi. Çox ümid edirəm ki, buna görə o, həbs olunacaq", - deyə O.Kuznetsov əlavə edib.
O vurğulayıb ki, heç kimə sirr deyil ki, Ermənistan işğal edilmiş ərazilərə səfər üzrə ekstremal turizm proqramı hazırlayıb. "Proqram Rusiya ərazisində və postsovet məkanında da fəal şəkildə həyata keçirilirdi. Bir çox əcnəbilər ora gedirdilər. Amma Yerevandan getdikləri üçün Azərbaycan bu barədə yalnız həmin əcnəbilər səfər haqda sosial şəbəkələrdə elan etdikdən və onlardan kimsə nə vaxtsa Azərbaycana gəldikdən sonra xəbər tuturdu", - deyə politoloq qeyd edib.
Onun sözlərinə görə, bu insanların böyük əksəriyyəti məlumatsızlıq səbəbindən bu addımı atıb.
O.Kuznetsov vurğulayıb ki, ölkə ərazisinə qanunsuz səfərlərin edilməsi cinayət qaydasında cəzalandırılmalı olan əməldir.
"Lapşin həbs edildikdən sonra Ermənistanın Arsaxla bağlı piar-layihələrindən biri iflas edəcək. Bu, böyük beynəlxalq-hüquqi rezonans doğuracaq. İşğal edilmiş ərazilərə turist kimi səfər edən şəxslərə aydın olacaq ki, onlar cinayətkardır və bu da Ermənistana çox ciddi, mənəvi-psixoloji zərbə olacaq. Bundan isə belə nəticə çıxır ki, bir halda ki, Azərbaycan qanunlarının pozulmasına görə hüquqi məsuliyyət yaranacaq, o zaman qanunları pozmaq istəyənlərin sayı kəskin azalacaq. Buna görə də Ermənistanın siyasi arenadakı nüfuzuna daha bir zərbə dəydi", - deyə politoloq hesab edir.*
R.Babayev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo kart sahibləri pulsuz köçürmələrin rahatlığını yaşayır
Yelo Bank-da qanvermə aksiyası keçirildi
BANM-in iki əməkdaşının tədqiqatı AMEA-nın mühüm nəticələr siyahısında yer alıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət