Azərbaycan rəhbərliyi Qarabağ münaqişəsinn sülh yolu ilə həllinə tərəfdar olsa da, eyni zamanda hərbi potensialını da gücləndirir. Bunu Milli Məclisin vitse-spikeri Bahar Muradova deyib.
«Prezident İlham Əliyev sülh danışıqları aparmaqla yanaşı, ölkəmizi işğal altında olan torpaqlarımızın hərbi yolla geri qaytarılmasına da hazırlayır», - deyə o, bu gün parlamentin plenar iclasında bildirib.
Vitse-spikerin sözlərinə görə, münaqişənin həlli variantları haqqında qərarı ölkə başçısı verir. «Siz deyirsiniz ki, gedib vuruşmaq lazımdır. Mən bu addımı dünya siyasətinin tərkib hissəsi olaraq görürəm», - deyə B.Muradova deputat Zeynəb Xanlarovanın işğal edilmiş torpaqlarımızın hərbi yolla azad edilməsi ilə bağlı irəli sürdüyü təklifə belə münasibət bildirib.
Sədr müavini vurğulayıb ki, siyasətlə siyasətçilər, müharibə ilə hərbçilər məşğul olmalıdır.
Onun sözlərinə görə, bu yaxınlarda keçirilən Münhen Təhlükəsizlik Konfransında prezident İlham Əliyev bu məsələ ilə bağlı açıq şəkildə fikir bildirib. «İ.Əliyev güclü siyasətçi və lider kimi qəti mövqeyini ortaya qoyaraq bəyan edib ki, ayrı-ayrı kabinetlərdə dünyanı hissələrə bölürlər. Problemi güc yolu ilə həll etməyə hazırlaşdıqda belə, bu cür addımları siyasət, danışıqlar, diplomatiya ilə möhkəmləndirmək lazımdır. Xocalı, Qaradağlı problemləri barədə danışmaq lazımdır, əks halda beynəlxalq birlik onlarla bağlı qərar və qətnamə qəbul etməyəcək», - deyə B.Muradova əlavə edib.
O vurğulayıb ki, Xocalı soyqırımı artıq 23 ölkənin parlamentləri tərəfindən tanınıb.
Qeyd edək ki, Z.Xanlarova bu gün işğal altında olan torpaqlarımızı hərbi yolla azad etməyi təklif edib. “Danışıqlar mənə çatmır. Sadəcə oturub torpaqların işğaldan nə zaman azad ediləcəyini gözləmək olmaz. Onları müharibə yolu ilə qaytarmaq lazımdır”, – deyə o vurğulayıb.*
R.Babayev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NeoKart sahibləri keşbek faizini özləri təyin edə biləcək!
Yelo Bank-ın dəstəyi ilə "Lider, yoxsa rəhbər" mövsuzunda top forum keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət