“SOCAR Turkiye Enerji” şirkəti (SOCAR-ın Türkiyədəki törəməsi - İF) STAR NEZ üçün neft və neft məhsullarının saxlanılması üzrə əlavə güclərin tikintisinə $120 mln. məbləğində yatırım həyata keçirməyi planlaşdırır. Bu barədə Türkiyə mətbuatı məlumat verir.
“SOCAR Turkiye Enerji” tərəfindən idarə olunan “STAR Rafineri A.S.” Petkim yarımadasında Əliağa rayonunda STAR NEZ üçün əlavə rezervuar parkı inşa etməyi planlaşdırır. Parka hər biri 100 min kubmetr həcmində neftin saxlanılması üçün iki rezervuar və hər biri 30 min kubmetr yanacağın saxlanılması üçün iki rezervuar daxil olacaq. Beləliklə, NEZ-in rezervuar gücləri 260 min kubmetr artacaq. Layihə $120 mln. həcmində qiymətləndirilir”, - KİV qeyd edir.
Əlavə rezervuar parkı 172,512 min kvadratmetr ərazidə inşa olunacaq. Neftin saxlanılması üçün rezervuar tikintisi STAR NEZ-ə bütün neftin neftdaşıyan tankerlərlə (Suezmax) çatdırılmasına imkan yaradacaq.
“Bu, xam neftin daşınması dəyərinin azalması hesabına NEZ-in gəlirliliyini artıracaq. Öz növbəsində, yanacağın saxlanılması üçün iki rezervuarın tikintisi NEZ-in istehsal güclərinin yüklənmə əmsalını artıracaq, zavodun fəaliyyətinin etibarlığını təmin edəcək, mümkün fasilələri azaldacaq və NEZ-də ağır və daha ucuz xam neftin emalına imkan yaradacaq”, - KİV bildirir.
27 dekabr 2018-ci il tarixində “STAR Rafineri A.S.” layihənin reallaşdırılması ilə bağlı rezervuar parkının tikintisinin Ətraf Mühitə və Sosial Sahəyə Təsirinin Qiymətləndirilməsi sənədinin müzakirəsi məqsədilə ictimaiyyətlə görüş keçirəcək.
Hazırda “SOCAR Yatirim” “STAR Rafineri A.S.” şirkətinin 100% sahibidir.
19 oktyabr 2018-ci il tarixində STAR NEZ-in işə salınması mərasimi keçirilib. NEZ-də “Azeri Light”, “Kərkük” və “Urals” kimi neft markalarının emalı planlaşdırılır.
İllik zavodda 1,6 mln. ton nafta, 1,6 mln. ton reaktiv yanacaq, 4,8 mln. ton ultra aşağı kükürd tərkibli dizel yanacağı, 700 min ton neft koksu, 420 min ton qarışıq ksilol, 480 min ton reformat və 160 min ton kükürd istehsal olunacaq.
Zavodun tikintisi “Petkim” neft-kimya kompleksini xammalla təmin etməyə və SOCAR-ın dizel yanacağı, aviasiya kerosini, eləcə də kimya sənayesi üçün xammalla böyük Aralıq dənizi bazarına çıxmasına imkan verəcək. **
N.Abbasova
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bank Respublika biznes müştəriləri üçün “Mobil Ofis Biznes” tətbiqini yenilədi!
Yelo Bank-ın dəstəyi ilə “Eko Dilçilik” beynəlxalq forumu keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət