2020-ci ilin aprel ayında Azərbaycan Kredit Bürosu yeni skoring xidmətini istifadəyə verməyi planlaşdırır. Bunu Büronun baş direktoru Elçin Həbibov deyib.
“Biz skorinq sistemini modernləşdirməyi planlaşdırırıq. Bu məqsədlə türkiyəli həmkarlarla işçi qrupu yaratdıq və 2020-ci ilin aprel ayında yeni skoring xidmətini təqdim edəcəyik”, - Həbibov Azərbaycanda mikromaliyyənin inkişafına həsr olunan VI İnvestorlar Yarmarkasında bidlirib.
Onun sözlərinə görə, bu model bazara yeni, xüsusilə, analitik xidmətlər çıxarmağa imkan verəcək. “Bundan başqa, bu proseslərin avtomatlaşdırılmasına təkan verəcək, vətəndaşlara öz kredit tarixçələrində dəyişikliklərə nəzarət etməyə imkan yaradacaq”, - Həbibov bildirib.
O əlavə edib ki, 2019-cu ilin sonunadək kredit təşkilatlarına bir dəfəyə Büroya daha çox sayda sorğu göndərməyə imkan verən xidmətin istifadəyə verilməsi planlaşdırılır.
“Hazırda kredit təşkilatları bir dəfəyə Büroya yanız bir sorğu göndərə bilər. Yeni xidmət bir dəfəyə 5-10 min sorğu göndərməyə imkan verəcək”, - Həbibov vurğulayıb.
O bildirib ki, Büroya ümumi sorğularda skoringin payı tədricən artır. “Büro fəaliyyətə başlayandan bizə 3,6 mln. sorğu daxil olub, bunun 1,9 mln.-u skoringin payına düşüb. Əgər ötən il ümumi sorğularda skoringin payı 43,5% təşkil edirdisə, cari ilin 8 ayı ərzində bu göstərici 61,5% olub”, - Həbibov əlavə edib.
2017-ci ilin dekabr ayında özəl kredit bürosunun yaradılması üzrə təşəbbüs qrupunun iclasında "Azərbaycan Kredit Bürosu" MMC-nin təsis edilməsi qərara alınıb. Büronun təsisçiləri "Azərbaycan Beynəlxalq Bankı" ASC, "Bank Respublika" ASC, "Xalq Bank" ASC, "Kapital Bank" ASC, "PAŞA Bank" ASC, "Rabitəbank" ASC, "Unibank KB" ASC və "Ziraat Bank Azərbaycan" ASC olub. Büro 2018-ci il fevralın 1-də fəaliyyətə başlayıb və nizamnamə kapitalı 2 mln. manata bərabərdir.
Büro müştərilərin kredit tarixçəsini təşkil edən məlumatları kredit təşkilatları ilə yanaşı daha geniş mənbələrdən, o cümlədən lizinq, sığorta, kommunal xidmətlər göstərən müəssisələrdən, mobil telefon operatorlarından, borc öhdəliyi ilə bağlı digər məlumat bazalarından toplanması, saxlanması, təhlili, kredit hesabatlarının formalaşdırılmasını, habelə borcalanlara fərdi reytinqlərin verilməsi və digər əlavə dəyər yaradan xidmətlərin həyata keçirilməsini təmin edən qurumdur.**
Ə.Məmmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bakcell Fəvvarələr Meydanında yeni innovativ mağazasını təqdim etdi!
Yelo Bank “Summer Challenge 2024” təcrübə proqramını elan edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət