“Belavia” aviaşirkəti 2020-ci ildən etibarən Minsk-Bakı marşrutu üzrə gündəlik reyslərə keçməyi planlaşdırır. Bu barədə aviaşirkətin Marketinq və Xarici İqtisadi Fəaliyyət Xidmətinin rəisi Yekaterina Radişevskaya məlumat verib.
“Bu gün Minsk-Bakı-Minsk aviareysi həftədə 5 dəfə yerinə yetirilir və bu marşruta tələbat böyükdür. Təkcə 2018-ci ildə 20 mindən çox sərnişin daşınıb, reyslər əvvəlki kimi Azərbaycan aviadaşıyıcısının kodu altında yerinə yetirilir, 2019-cu ildə isə sərnişin axını sürətlə artacaq. 9 ay ərzində artım 100%-dən çoxdur", - deyə o, Minskdə Azərbaycanın turizm potensialının təqdimatında bildirib.
Belarus KİV-nin məlumatına görə, Y.Radişevskaya qeyd edib ki, 2020-ci ildən etibarən “Belavia” Bakıya gündəlik uçuşlar həyata keçirməyi planlaşdırır.
Bundan əlavə, milli aviadaşıyıcı 2019-cu ilin noyabr ayının sonunadək tarif siyasətində dəyişiklik etməyi nəzərdə tutur ki, bu da biletlərin qiymətinin ucuzlaşmasına səbəb olacaq.
"Bu gün bütün vergi və rüsumlar daxil olmaqla Minsk-Bakı aviareysinə biletin qiyməti bir tərəfə təxminən 115 avro, gediş və gəliş bileti 262 avrodur. Yaxın zamanlarda biz tarif siyasətində dəyişiklik etməyi planlaşdırırıq ki, nəticədə bu istiqamətə biletin qiyməti ucuzlaşacaq. Bir istiqamətə biletin qiyməti 100 avroya qədər, hər iki istiqamətə isə bütün vergi və rüsumlar daxil olmaqla 200 avrodan bir qədər az olmalıdır. Bizdə, həmçinin müntəzəm olaraq kampaniyalar da keçirilir”, - deyə Xidmət rəisi vurğulayıb.
Bundan başqa, “Belavia” müvafiq qrup sifarişləri olarsa, Minsk-Bakı xəttindəki təyyarələrin növünü (Embraer-195 (11 biznes-klass/ 96 ekonom)) daha böyük tutumlu təyyarələrlə əvəz etməyə hazırdır.
Tədbirdə çıxış edən Azərbaycanın Belarusdakı səfiri Lətif Qəndilov ölkələr arasında qarşılıqlı turist axınının artırılması və birgə turizm məhsullarının yaradılmasının zəruriliyini diqqətə çatdırıb. Onun sözlərinə görə, Azərbaycan Belarusla üçüncü ölkələr, məsələn, Belarus-Gürcüstan-Azərbaycan və ya Azərbaycan-Belarus-Ukrayna üçün kombinasiya edilmiş turizm məhsulları yaratmaqda maraqlıdır.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bakcell Fəvvarələr Meydanında yeni innovativ mağazasını təqdim etdi!
Yelo Bank “Summer Challenge 2024” təcrübə proqramını elan edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət