“SOCAR-AQŞ” MMC qazma müəssisəsi ticarətin maliyyələşdirilməsi mexanizmi çərçivəsində Qara Dəniz Ticarət və İnkişaf Bankından (QDTİB) 20 milyon avro cəlb edib.
“QDTİB və “SOCAR AQŞ” MMC enerji sektorunda regional əməkdaşlığın inkişafı üzrə tərəfdaşlıq sazişi imzalayıb. QDTİB bankın üzv ölkələrindən sənaye avadanlığı və materialların idxalının maliyyələşdirilməsi üçün “SOCAR AQŞ”yə 20 milyon avro məbləğində kredit xətti təqdim edir”, - deyə məlumatda bildirilir.
Saziş Rusiya, Rumıniya, Türkiyə və Ukraynadan boru, qazma qurğuları, quyulara xidmət avadanlıqları, generator və kran avadanlıqlarının satın alınması hesabına regiona və inkişafa güclü təsir göstərəcək.
“Biz Azərbaycanda və bütün Qara dəniz regionunda enerji bazarının iri oyunçusu olan “SOCAR AQŞ”ni dəstəkləyən ilk beynəlxalq maliyyə qurumu olmağımıza şadıq. Enerji və infrastruktur regional inkişafda mühüm rol oynayır və buna görə bizim strateji prioritetimizdir. Bu əməliyyat QDTİB-nin üzv ölkələr arasında regional əməkdaşlığın inkişafı üzrə mandatını xüsusilə nəzərə çarpdırır”, – deyə bankın prezidenti Dmitriy Pankin qeyd edib.
"QDTİB ilə tərəfdaşlıq “SOCAR-AQŞ”yə biznesi genişləndirməyə imkan verəcək", - deyə “SOCAR AQŞ”nin baş direktoru Ramin İsayev bildirib.
“SOCAR-AQŞ” MMC SOCAR və “Absheron Drilling Company” tərəfindən qazma və quyu xidmətləri göstərən birgə müəssisə kimi 2007-ci ildə təsis edilib. Hazırda “SOCAR-AQŞ” “Günəşli” yatağının dayazsulu hissəsində (7 və 11 saylı platformalardan), “Ümid” (Ümid-1 platformasından), “Bulla” (6 saylı platformadan) və “Qərbi Abşeron” yataqlarında (10 saylı platformadan) qazma işləri həyata keçirir.
Qara Dəniz Ticarət və İnkişaf Bankı 1997-ci ilin yanvar ayında Qara dəniz hövzəsi ölkələrinin iqtisadiyyatının inkişafına dəstək göstərilməsi və regional əməkdaşlığın möhkəmləndirilməsi məqsədilə yaradılıb. Onun təsisçiləri və səhmdarları 11 ölkənin – Rusiya, Yunanıstan, Türkiyə, Bolqarıstan, Ukrayna, Rumıniya, Albaniya, Azərbaycan, Gürcüstan, Moldova və Ermənistan hökumətləridir.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət