2020-ci ildə Azərbaycanda ÜDM 2% azalacaq, 2021-ci ildə isə iqtisadi artım 1,2% təşkil edəcək. "Qazprombank"ın analitikləri belə hesab edirlər.
"Azərbaycan Dövlət Statistika Komitəsinin məlumatına görə, cari ilin birinci yarısında ölkədə ÜDM pandemiya dövründə tətbiq edilən məhdudlaşdırıcı tədbirlər şəraitində 2,7% azalıb ki, bu da bir çox MDB ölkələri üçün səciyyəvidir. Qeyd etmək lazımdır ki, 2020-ci ilin birinci rübündə iqtisadiyyatın müsbət artım templəri qeyri-neft sektorunun (ilin birinci yarısının yekunları üzrə ÜDM-də onun payı 68%-ə çatıb) saxlanmasına imkan vermişdisə, ikinci rübdə onun dəstəyi zəifləyib, çünki bu sektor xüsusi karantin rejimi şəraitində ən çox zərər çəkmiş sahələri əhatə edir", - deyə bankın analitikləri "İnterfaks-Azərbaycan" agentliyinin malik olduğu həftəlik icmalda qeyd edirlər.
Statistik məlumatlara görə, ilin birinci yarısında qeyri-neft sektoru üzrə ÜDM ötən ilin analoji dövrü ərzində 2,4% artıma qarşı 2,5% azalıb.
"Xüsusi karantin rejimi şəraitində ilin birinci yarısının nəticələrinə görə sənaye istehsalı (-1,5%) və pərakəndə ticarət (-1,9%) sahələrində azalma olub. Qeyd edək ki, bütün ikinci rüb ərzində qüvvədə olan karantin şəraitində pərakəndə ticarətin həcminin azalma göstəricisi bizim gözləntilərimizdən zəif olub və təxminən 5% təşkil edib", - deyə bankın icmalında vurğulanır.
“Qazprombank”da hesab edirlər ki, Azərbaycan iqtisadiyyatı üçün ən çətin dövr ikinci rübdə olub və üçüncü rübdən etibarən karantin tədbirləri (avqustun 1-dək qüvvədədir) zəiflədikcə iqtisadi fəallıq bərpa olunacaq. "Yenilənmiş proqnoz ssenarimizə uyğun olaraq, avqustun 1-dən sonra karantin rejiminin zəifləməsi artıq üçüncü rübdə pərakəndə ticarətdə və istehlak mallarına yönəlik sənaye sahələrində artımın bərpasını təmin etməyə imkan verəcək. 2020-ci ilin yekunları üzrə Azərbaycanda ÜDM-nin təxminən 2% azalacağını, 2021-ci ildə isə artımın 1,2%-ə qədər bərpa olunacağını gözləyirik", - deyə bankın analitikləri hesab edirlər.
Azərbaycan hökuməti 2020-ci ildə ÜDM-nin artımını 3% səviyyəsində proqnozlaşdırmışdı. Lakin COVİD-19 pandemiyası ilə əlaqədar hökumət cari ilin yekunları üzrə ÜDM-nin cüzi azalacağını gözləyir.
Bununla yanaşı, bütün beynəlxalq maliyyə institutlarının qiymətləndirmələrinə görə, 2020-ci ildə Azərbaycan iqtisadiyyatı tənəzzülə uğrayacaq. Xüsusilə Dünya Bankı 2,6% (2021-ci ildə artım 2,2%), Beynəlxalq Valyuta Fondu 2,2% (2021-ci ildə artım 0,7%), Asiya İnkişaf Bankı 0,1% (2021-ci ildə artım 1,2%), Avropa Yenidənqurma və İnkişaf Bankı 3% (2021-ci ildə artım 3%) səviyyəsində azalma proqnozlaşdırır.
2019-cu ildə Azərbaycanda ÜDM 2,2% artıb.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət