Azərbaycanda fəaliyyət göstərən xarici şirkətlər ölkədə mövcud iqtisadi vəziyyəti sabit hesab edir və ümid edirlər ki, COVID-19 pandemiyasının əlavə təsirləri nisbətən qısamüddətli olacaq.
Bu, Alman-Azərbaycan Xarici Ticarət Palatası və “KPMG Azerbaijan” şirkəti tərəfindən hazırlanmış 2020-ci ildə Azərbaycanda biznes mühitə dair hesabatda əks olunub.
"Rəyi soruşulan xarici şirkətlərin üçdə biri (34%) cari vəziyyətin pisləşməsi qənaətindədir, respondentlərin 39%-i isə iqtisadi vəziyyətin sabit olduğunu bildirib", - deyə "İnterfaks-Azərbaycan" agentliyinin malik olduğu hesabatda bildirilir.
Hesabata əsasən, müxtəlif sahələr səviyyəsində də analoji vəziyyət müşahidə olunur.
Sorğunun nəticələri göstərir ki, respondentlərin böyük hissəsi (44%) öz sahələrində mövcud vəziyyəti sabit qiymətləndirib, şirkətlərin 34%-i vəziyyətin pisləşməsi qənaətinə gəlib, daha 17% isə qiymət verməkdə çətinlik çəkib.
"Bu il sorğuda ən çox təmsil olunan sektorlardan inşaat, audit və konsaltinq, eləcə də neft-qaz sektoru öz sahələrinin cari vəziyyətindən daha əmin olub: "Sabit" cavablarının faizi ilk iki sahə üçün 55%, sonuncu sahə üçün isə 41% təşkil edib", - deyə hesabatda vurğulanır.
Müzakirələr göstərir ki, tikinti şirkətləri arasında nikbin əhval-ruhiyyə əsasən pandemiyadan sonra iqtisadi fəallığın stimullaşdırılması, iş yerlərinin saxlanılması və tikinti, ticarət və nəqliyyat, eləcə də logistika kimi çox mühüm sahələrin inkişafı məqsədilə iri infrastruktur layihələrinə dövlət investisiyalarının yatırılması ilə bağlı böyük gözləntilərdən irəli gəlir.
Tibb şirkətlərinin əksəriyyəti (10 şirkətdən 6-sı) cari şəraitdə işin sabit olduğunu qeyd edib ki, bu da tibbi xidmətlərə və dərman preparatlarna tələbin artması ilə bağlı ola bilər.
Sorğuya əsasən, qeyri-müəyyən proqnoza baxmayaraq, COVID-19 pandemiyasının Azərbaycanda biznesin effektivliyinə necə təsir etməsi ilə bağlı suala cavab olaraq 23% xarici şirkət böyük problemlərin olduğunu, daha 18% isə mühakimə etmək üçün hələ çox tez olduğunu deyib. Respondentlərin əksəriyyəti (55%) COVID-19 pandemiyasının əlavə təsirlərinin nisbətən qısamüddətli olacağını gözləyir.
Azərbaycanda biznes mühitlə bağlı sorğu 29 ölkənin 170 şirkəti arasında keçirilib. Sorğuda iştirak edən şirkətlər 15 müxtəlif iqtisadi sahəni təmsil edir və onların əksəriyyəti (91%) mikro, kiçik və orta müəssisələrdir.*
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət