2021-ci ilin yanvar-iyun aylarında Azərbaycanda mehmanxana və mehmanxana tipli müəssisələrin gəlirləri 2020-ci illin müvafiq dövrü ilə müqayisədə 25,2% artaraq 90,1 milyon manat ($53 milyon) olub. Bu barədə “İnterfaks-Azərbaycan” agentliyinə Dövlət Statistika Komitəsindən məlumat verilib.
“Gəlirlərin 61,1%-i nömrələrin (otaqların) təqdim olunması üzrə xidmətlərdən, 28,3%-i ictimai iaşə xidmətlərindən, 2%-i müalicə və sağlamlıq xidmətlərindən, 8,6%-i isə digər xidmətlərin göstərilməsindən əldə edilib”, - deyə məlumatda bildirilir.
2021-ci ilin yanvar-iyun aylarında ölkə mehmanxanalarında keçirilmiş gecələmələrin sayı 2020-ci ilin eyni dövrü ilə müqayisədə 18,6% artaraq 694,7 min olub. Gecələmələrin 51,7%-i Bakıda, 8,5%-i Qəbələdə, 5,7%-i Qusarda, 5,2%-i Qubada, 4,9%-i Lənkəranda, 4,2%-i Şabranda, 3,6%-i Xaçmazda, 2,8%-i Naftalanda, 2%-i Şamaxıda, 1,6%-i Mingəçevirdə, 1,2%-i Naxçıvan Muxtar Respublikasında, 1,1%-i Masallıda, 0,8%-i Gəncədə, 0,7%-i Qaxda, 0,6%-i Zaqatalada, 0,5%-i Şəmkirdə, 4,9%-i digər şəhər və rayonlardakı mehmanxanalarda qeydə alınıb.
Əcnəbilər və vətəndaşlığı olmayan şəxslər tərəfindən mehmanxanalarda keçirilmiş gecələmələrin sayı 2020-ci ilin eyni dövrü ilə müqayisədə 2,6 dəfə azalaraq 132,8 min olub ki, bu da ümumi gecələmələrin 19,1%-ni təşkil edir. Gecələmələrin 15,7%-i Türkiyə, 15,2%-i Böyük Britaniya, 10%-i Rusiya Federasiyası, 5,1%-i İtaliya, 4,3%-i Almaniya, 2,9%-i ABŞ, 2,6%-i Ukrayna, 2%-i İsrail, 2%-i Niderland, 1,9%-i Belarus, 1,7%-i Qazaxıstan, 1,5%-i Fransa, 1,3%-i Norveç, 33,8%-i isə digər ölkələrin vətəndaşlarının payına düşüb.
Əcnəbilər və vətəndaşlığı olmayan şəxslərin keçirdiyi gecələmələrin 85,5%-i Bakıda, 5,2%-i Qusarda, 3%-i Qəbələdə, 1,7%-i Naxçıvan Muxtar Respublikasında, 1,2%-i Şabranda, 0,9%-i Naftalanda, 0,8%-i Mingəçevirdə, 0,8%-i Qubada, 0,9%-i isə digər şəhər və rayonlardakı mehmanxanalarda qeydə alınıb.
Azərbaycan Respublikası vətəndaşları üzrə mehmanxanalarda keçirilmiş gecələmələrin sayı 2020-ci ilin yanvar-iyun ayları ilə müqayisədə 2,3 dəfə artaraq 561,9 min olub.
2021-ci ilin yanvar-iyun aylarında mehmanxanaların birdəfəlik tutumundan istifadə 9% səviyyəsində olub (2020-ci ilin yanvar-iyun aylarında 7,6%). Bu göstərici Şabranda 47,1%, Beyləqanda 23,4%, Lənkəranda 17,6%, Naftalanda 17,1%, Şəmkirdə 16,3%, Qubada 15,2%, Qəbələdə 13,7%, Bərdədə 12,8%, Cəlilabadda 12,8%, Bakıda 11,9%, Ağcabədidə 11,6%, Qusarda 11,6%, Şamaxıda isə 10,8% olub.*
A.Salayeva
AccessBank QSC Symantec Endpoint Protection üzrə tender elan edir
AccessBank QSC Cisco ESA + SMARTnet üzrə tender elan edir.
“Yelo Bank” ASC poliqrafiya və çöl reklamı xidmətləri üçün texniki tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
TuranBank Habib American Bank-da ABŞ dollarında müxbir hesab açıb
Dünyanın ən məşhur idman və əyləncə kanalları indi “CityNet”də!
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət