2021-ci ildə Avropaya 6,5 milyard kubmetr, 2022-ci ildə 10 milyard kubmetr Azərbaycan qazı ixrac ediləcək. Bunu energetika naziri Pərviz Şahbazov deyib.
Azərbaycan 2020-ci il dekabrın 31-də Avropaya qaz ixracına başlayıb.
“2021-ci ildə Azərbaycandan Avropaya 6,5 milyard kubmetr qaz ixrac ediləcək, 2022-ci ildə isə bu rəqəm 10 milyard kubmetrə çatacaq”, - deyə Şahbazov “Bloomberg” agentliyinə müsahibəsində bildirib.
Nazir əlavə edib ki, qazın qiyməti bahalaşdıqdan sonra Azərbaycan Avropadakı yeni potensial təbii qaz alıcılarından müraciətlər alıb.
“Avropanın şərqində və cənubunda yerləşən dövlətlər və şirkətlər Azərbaycan qazını almağa maraq göstəriblər. Biz mövcud və potensial alıcılarla təmasdayıq. Gələcəkdə yeni alqı-satqı müqavilələrinin bağlanması ehtimalı kifayət qədər yüksəkdir”, - deyə P.Şahbazov vurğulayıb.
Daha əvvəl “TAP AG” konsorsiumunun kommersiya direktoru Mariya Savovaya istinadən verilən məlumata görə, 2020-ci il dekabrın 31-dən Trans-Adriatik boru kəməri (TAP) ilə Avropaya 6 milyard kubmetrə yaxın Azərbaycan qazı nəql edilib.
Beynəlxalq Enerji Agentliyi (IEA) 2021-ci ildə TAP-la Azərbaycandan Avropaya 8 milyard kubmetrə yaxın qazın nəql olunacağını proqnozlaşdırır.
Azərbaycan qazının TAP kəməri ilə İtaliya, Yunanıstan və Bolqarıstana ixracına 2020-ci il dekabrın 31-də başlanılıb.
TAP-ın ümumi uzunluğu 878 km təşkil edir, bunun 550 km-i Yunanıstanın şimal hissəsindən, 215 km-i Albaniyadan, 105 km-i Adriatik dənizindən, 8 km-i isə İtaliya ərazisindən keçir. TAP Azərbaycan qazının Avropaya nəqli üçün infrastrukturun yaradılmasını nəzərdə tutan CQD layihəsinin sonuncu komponentidir.
Qaz kəməri “Mərhələ-2” çərçivəsində “Şahdəniz” yatağından hasil edilən 10 milyard kubmetr təbii qazın Yunanıstan və Albaniyadan Qərbi Avropaya nəqlini nəzərdə tutur. Kəmərin ötürmə qabiliyyəti onun gücünü iki dəfə - ildə 20 milyard kubmetrə qədər artırmağa imkan verir.
Layihənin səhmdarları SOCAR (20%), BP (20%), “Snam” (20%), “Fluxys” (19%), “Enagas” (16%) və “Axpo” (5%) şirkətləridir. Layihənin dəyəri 4,5 milyard avrodur. TAP-ın təməlatma mərasimi 17 may 2016-cı il tarixində Yunanıstanda keçirilib.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət