Trans-Adriatik (TAP) qaz kəmərinin ötürmə qabiliyyəti yeni boru inşa edilmədən illik 12 milyard kubmetrə çatdırıla bilər. Bu barədə “TAP AG” şirkətinin icraçı direktoru Luka Şippati (Luca Schieppati) bəyan edib.
“Son 3 gün ərzində TAP gündəlik 33 milyon kubmetr nəql edərək (martda gundəlik 28 milyon kubmetr - İF) maksimum güc ilə istifadəyə verilib. İllik ifadədə bu, orta hesabla 12 milyard kubmetrə bərabərdir, bunun 10,5 milyard kubmetri İtaliyaya daxil ola bilər. (...) TAP ilə qaz nəqlini artırmaq üçün daha bir borudan istifadə zərurəti yoxdur, biz Yunanıstan və Albaniyaya kompressiyanı artırmalıyıq”, - Şippati “Sky TG24”də çıxışı zamanı bildirib.
O, həmçinin qeyd edib ki, uzunmüddətli məqsəd - boru kəmərinin ötürmə qabiiyyətini 2 dəfə artırmaqdan ibarətdir. «Bu nöqteyi-nəzərdən, Avropa Komissiyası və İtaliya hökumətinin dəstəyi vacibdir”, - Şippati deyib.
“İndi TAP kimi qaz kəmərləri enerji təhlükəsizliyinin möhkəmlənməsinə xidmət edir və gələcəkdə də həmin infrastruktur ilə qaz ilə qarışıq hidrogenin nəqli imkanı hesabına buna xidmət edəcək”, - o əlavə edib.
Xəbər verildiyi kimi, Beynəlxalq Enerji Agentliyi (IEA) 2022-ci ildə TAP-la Azərbaycandan Avropaya qaz ixracının 10 milyard kubmetrə çatacağını proqnozlaşdırır.
Daha əvvəl TAP AG şirkəti bildirmişdi ki, 2020-ci il dekabrın 31-dən 2021-ci il dekabrın 31-dək TAP qaz kəməri ilə Avropaya 8,1 milyard kubmetr Azərbaycan qazı ixrac edilib. Bu həcmin 6,8 milyard kubmetrdən çoxu İtaliyaya, 1,2 milyard kubmetrə qədəri Yunanıstana və Bolqarıstana tədarük edilib.
Azərbaycan qazının TAP kəməri ilə İtaliya, Yunanıstan və Bolqarıstana ixracına 2020-ci il dekabrın 31-də başlanılıb.
TAP-ın ümumi uzunluğu 878 km təşkil edir, bunun 550 km-i Yunanıstanın şimal hissəsindən, 215 km-i Albaniyadan, 105 km-i Adriatik dənizindən, 8 km-i isə İtaliya ərazisindən keçir. TAP Azərbaycan qazının Avropaya nəqli üçün infrastrukturun yaradılmasını nəzərdə tutan CQD layihəsinin sonuncu komponentidir.
Qaz kəməri “Mərhələ-2” çərçivəsində “Şahdəniz” yatağından hasil edilən 10 milyard kubmetr təbii qazın Yunanıstan və Albaniyadan Qərbi Avropaya nəqlini nəzərdə tutur. Kəmərin ötürmə qabiliyyəti onun gücünü iki dəfə - ildə 20 milyard kubmetrə qədər artırmağa imkan verir.
Layihənin səhmdarları SOCAR (20%), BP (20%), “Snam” (20%), “Fluxys” (19%), “Enagas” (16%) və “Axpo” (5%) şirkətləridir. Layihənin dəyəri 4,5 milyard avrodur. TAP-ın təməlatma mərasimi 17 may 2016-cı il tarixində Yunanıstanda keçirilib.**
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət