Qarabağ Erməniləri Hərəkatının lideri Artur Ağacanov Rusiya Dövlət Dumasının deputatı, MDB, Avrasiyaya inteqrasiya və həmvətənlərlə iş üzrə komitə sədrinin birinci müavini Konstantin Zatulini Cənubi Qafqazda sabitliyin pozulmasına yönəlmiş əməllərdə ittiham edib.
Ağacanov bildirib ki, Zatulin 1-4 iyun tarixlərində Ermənistanda səfərdə olub.
“Səfərin məqsədinin "mövcud ictimai-siyasi vəziyyət və Dağlıq Qarabağ münaqişəsinin həlli prosesi ilə tanış olmaq" olduğu bildirilmişdi. Səfər çərçivəsində Zatulin separatçıların bütün keçmiş və indiki rəhbərləri ilə görüşüb. Sual olunur ki, Zatulin hansı məqsədlə onlarla görüşüb? Fikrimcə, bu, cənab Zatulinin qəsdən törətdiyi növbəti təxribatdır”, - deyə Ağacanov “İnterfaks-Azərbaycan” agentliyinə bildirib.
O hesab edir ki, əgər Zatulin Ermənistanla Azərbaycan arasında münasibətlərin normallaşmasına töhfə vermək istəsəydi, həmin şəxslərlə yox, Azərbaycanın Qarabağ bölgəsinin əhalisi ilə görüşərdi. Yəni Qarabağın erməni və azərbaycanlı əhalisinin nümayəndələrinin görüşünü təşkil edərdi.
“Zatulinin bu səfərindən isə belə qənaətə gəlmək olar ki, onun məqsədi onsuz da vəziyyətin gərgin olduğu regionda sabitliyi pozmaq olub. Ona görə də bu kimi səfərlər Ermənistanla Azərbaycan arasında münasibətlərin normallaşmasına yalnız ziyan vurur. Zatulin və onun kimiləri anlamalıdırlar ki, Ermənistanla Azərbaycan arasında münasibətlərin normallaşması prosesi ləng və çətin də olsa, lazımi məcrada gedir. Bununla paralel olaraq Qarabağ ermənilərinin Azərbaycan cəmiyyətinə inteqrasiyası həyata keçiriləcək. Və bu cür ziyanverici səfərlər bölgədə Azərbaycanın təşəbbüskarı olduğu sülh gündəliyini dayandıra bilməyəcək”, - deyə Ağacanov vurğulayıb.*
Xəbərlər şöbəsi
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət