Qara Dəniz Ticarət və İnkişaf Bankının (QDTİB) prezidenti Dmitri Pankin bildirib ki, beynəlxalq vəziyyət Azərbaycanın Rusiya və Avropaya ixracı artırması üçün bir fürsətdir.
“Bu gün biz çox ciddi geosiyasi vəziyyətlə üzləşmişik və bu, Azərbaycan iqtisadiyyatı üçün də qiymətlərin bahalaşması, logistikanın çətinləşməsi, tələbin azalması kimi çoxsaylı problemlər yaradır. Lakin istənilən halda böhran təkcə problemlər deyil, həm də imkanlardır. İndi mən Azərbaycan iqtisadiyyatı üçün yeni logistika marşrutlarının axtarışı, malların Avropa və Rusiya bazarlarına ixracı ilə bağlı çoxlu imkanlar görürəm”, - deyə o, bu gün Bakıda keçirilən “Dəyişən dünyada şaxələndirilmiş və innovativ Azərbaycan iqtisadiyyatının dəstəklənməsində QDTİB-in rolu” adlı biznes forumda bildirib.
“İnterfaks-Azərbaycan” agentliyinin məlumatına görə, Pankin qeyd edib ki, QDTİB Azərbaycanda yeni istehsal güclərinin yaradılmasına kömək etmək üçün ölkənin biznes dairələri ilə işləməyə hazırdır.
“Azərbaycanın əsas strateji hədəfi iqtisadiyyatın şaxələndirilməsidir. Biz neft və qazdan asılılığın uzunmüddətli perspektivdə iqtisadiyyat üçün nə qədər təhlükəli ola biləcəyini yaxşı bilirik. Maliyyə vəsaitlərini yeni istehsal güclərinin yaradılmasına, dünya bazarında rəqabət qabiliyyətli məhsulların istehsalına yönləndirmək lazımdır. Bu, çox ciddi vəzifədir və düşünürəm ki, belə bir vəziyyətdə bank bu transformasiyanı təşkil etmək üçün Azərbaycanın biznes dairələri ilə işləyə bilər”, - deyə Pankin vurğulayıb.*
E.Şəfiyev
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Azər Türk Bankda sərfəli kredit kampaniyası davam edir
TuranBank Habib American Bank-da ABŞ dollarında müxbir hesab açıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət