Azərbaycan Mərkəzi Bankında (AMB) hesab edirlər ki, fiziki şəxslərin əmanətləri üzrə gəlirlərin10% dərəcə ilə vergiyə cəlb edilməsi bankların depozit bazasına ciddi təsir göstərməyəcək. Bunu AMB-nin sədri Taleh Kazımov bu gün keçirilən mətbuat konfransında deyib.
“Hesab edirik ki, banklar həmin xərcləri öz depozit faizlərində əks etdirəcək. Düşünürük ki, depozitlərin banklardan çıxmaması və maliyyə sabitliyinin qorunması üçün banklar depozit faizlərini 10% vergi nəzərə alınmaqla artıracaq. Buna görə də bunda böyük problem görmürük”, - deyə o bildirib.
Sədr vurğulayıb ki, depozit faizlərinin artırılması kredit faizlərinə təsir edə bilər. Vəziyyəti qiymətləndirmək üçün müəyyən vaxt lazımdır”, - deyə o əlavə edib.
Mərkəzi Bankın baş direktoru Toğrul Əliyev isə qeyd edib ki, Vergi Məcəlləsinə əsasən, son 7 ildə depozit gəlirlərinə güzəşt tətbiq olunub və bu müddət cari ilin fevral ayının 1-də başa çatıb.
“Depozit gəlirlərinin vergiyə cəlb olunması qanunvericiliyin tələbidir. Bu, maliyyə sabitliyi üçün hər hansı təhdid yaratmır və bankların depozit portfelinin dəyişməsinə təsir göstərməyəcək. Araşdırmalar göstərir ki, bu, böyük xərclərə gətirib çıxarmayacaq”, - deyə o bildirib.
Həmçinin vurğulanıb ki, bazarın müntəzəm monitorinqi davam etdiriləcək.
Qeyd edək ki, əmanət faizlərinin vergidən azad edilməsi manatın 2015-ci ildəki ikili devalvasiyasından sonra banklardan əmanət axınının qarşısını almaq üçün atılmış addımlardan biridir.*
X.Nəsirzadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NeoKart sahibləri keşbek faizini özləri təyin edə biləcək!
Yelo Bank-ın dəstəyi ilə "Lider, yoxsa rəhbər" mövsuzunda top forum keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət