2023-cü ilin birinci yarısının yekunları üzrə “Cənub Qaz Dəhlizi” (CQD) QSC-nin xalis mənfəəti $726,601 milyon təşkil edib.
“İnterfaks-Azərbaycan” agentliyi xəbər verir ki, bu barədə QSC-nin 2023-cü ilin birinci yarısı üzrə auditi aparılmış maliyyə hesabatında bildirilir.
2023-cü ilin yanvar-iyun aylarında CQD-nin gəlirləri $1 milyard 146,301 milyon, satışların maya dəyəri $245,119 milyon təşkil edib.
2023-cü ilin birinci yarısının yekunları üzrə “Cənub Qaz Dəhlizi” QSC-nin əməliyyat mənfəəti $940,826 milyon, maliyyə xərcləri $284,79 milyon, vergi ödənilənədək mənfəəti $739,762 milyon təşkil edib.
Cari ilin iyun ayının sonuna QSC-nin aktivləri $14 milyard 704,831 milyon (2022-ci ilin sonuna olan göstərici ilə müqayisədə artım 6,7%), o cümlədən qısamüddətli aktivləri $2 milyard 700,071 milyon (artım 1,5 dəfə), uzunmüddətli aktivləri $12 milyard 4,76 milyon məbləğində (artım 0,15%) qiymətləndirilir.
2023-cü ilin iyul ayının əvvəlinə CQD-nin öhdəlikləri $8 milyard 274,46 milyon (artım 2,4%), o cümlədən qısamüddətli öhdəlikləri $938,238 milyon (artım 3,8%), uzunmüddətli öhdəlikləri $7 milyard 336,238 milyon (artım 2,2%) təşkil edib.
2023-cü il iyunun 30-na “Cənub Qaz Dəhlizi”nin kapitalı $6 milyard 430,355 milyona (artım 12,7%), o cümlədən səhmdar kapitalı $2 milyard 415,8 milyona (dəyişməyib) bərabərdir.
“Cənub Qaz Dəhlizi” QSC Cənub Qaz Dəhlizi layihəsinin komponentlərinin səmərəli idarə olunması məqsədilə yaradılıb. Cəmiyyətin kapitalında SOCAR 49%, dövlət 51% pay sahibidir.
CQD layihəsinin əsas komponentləri bunlardır: “Şahdəniz” layihəsi üzrə “Mərhələ-2”, Bakı-Gürcüstan-Türkiyə sərhədi Cənubi Qafqaz boru kəməri magistralının genişləndirilməsi, Türkiyənin şərq sərhədindən qərb sərhədinə qədər Trans-Anadolu qaz kəmərinin (TANAP) və Yunanıstan, Albaniya və İtaliyanın cənubunu birləşdirən Trans-Adriatik qaz kəmərinin (TAP) tikintisi.
Layihənin ümumi dəyəri $33 milyard təşkil edir.
Azərbaycan qazının Avropaya ixracına 2020-ci il dekabrın 31-də başlanılıb. 2021-ci ildə Avropaya ixrac 8,1 milyard kubmetr, 2022-ci ildə 11,4 milyard kubmetr təşkil edib, 2023-cü ildə isə 12 milyard kubmetrdən çox həcmdə nəzərdə tutulub.
Hazırda Aİ-də Azərbaycan qazının alıcıları İtaliya, Yunanıstan, Bolqarıstan və Rumıniyadır. 2023-cü ilin IV rübündə isə Macarıstana qaz ixracına başlanılacaq.*
R.Əhmədov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət