“Azərbaycan Xəzər Dəniz Gəmiçiliyi” QSC-nin (ASCO) İdarə Heyətinin sədri Rauf Vəliyev “V.Ships” şirkətinin baş əməliyyat direktoru Allan Falkenbergin rəhbərlik etdiyi nümayəndə heyəti ilə görüşüb.
“İnterfaks-Azərbaycan” agentliyi ASCO-ya istinadən xəbər verir ki, görüşdə tərəflər arasında həyata keçiriləcək müxtəlif istiqamətlər üzrə layihələr ətrafında geniş fikir mübadiləsi aparılıb.
Qeyd olunub ki, əsas layihələrdən biri üzən heyətin inkişafını nəzərdə tutur. Bu proqram çərçivəsində yeni gəmi seqmentinə daxil olan ASCO üçün yerli peşəkar kadrların yetişdirilməsi planlaşdırılır. Proqrama uyğun olaraq ASCO-nun gəmilərində çalışan sıravi heyət üzvləri, eləcə də ASCO-nun təhsil müəssisələrində oxuyan istedadlı tələbələr 3-6 ay ərzində “V.Ships”in idarə etdiyi gəmilərdə təcrübə keçəcəklər. Proqramı uğurla başa vuranlar imtahan olunaraq ASCO-nun yeni tip gəmilərində işlə təmin ediləcəklər.
“V.Ships” beynəlxalq tələblərə uyğun hazırlanan imtahan əsasında ASCO gəmilərində çalışan komandir heyəti üzvlərinin həm nəzəri, həm də praktiki bilik və bacarıqlarının qiymətləndirilməsini də həyata keçirəcək. İmtahandan aşağı nəticə göstərənlər isə xüsusi təkmilləşdirmə proqramına cəlb olunacaqlar.
Tərəflər arasında kadr tələbatının təmin olunması məsələsi də müzakirə olunub. Yerli kadrlar kifayət etmədiyi halda ASCO-nun Qara və Aralıq dənizi hövzəsində fəaliyyət göstərən tanker və quru yük gəmilərinə “V.Ships” müvafiq dəstək göstərəcək.
Bundan başqa, ASCO-da tətbiq olunan əmək haqqı sisteminin qiymətləndirilməsi və beynəlxalq bazarlarda tətbiq olunan əmək haqqı sistemləri ilə müqayisəsi də aparılacaq. Nəticələrə uyğun müvafiq hesabat və təkliflər hazırlanacaq.
Həmçinin üzən heyətin idarə olunması sisteminin qiymətləndirilməsi də həyata keçiriləcək. Bu, beynəlxalq miqyasda fəaliyyət göstərən ASCO-ya gələcəkdə heyətin idarə edilməsi istiqamətində daha mütərəqqi metodların tətbiqinə imkan verəcək.
Bütün bunlarla bərabər, ASCO-ya məxsus gəmilərin birində “V.Ships”in “ShipSure” rəqəmsal platforması pilot layihə olaraq tətbiq ediləcək. 6-9 aylıq layihənin əsas məqsədi planlı təmir, gəmi maliyyəsi, heyətin idarə edilməsi, satınalma üzrə sistem və proseslərin, SƏTƏM, gəmi əməliyyatları, sənədlərin idarə edilməsi kimi modulların istifadəsini təkmilləşdirməkdir.*
B.Rüstəmbəyov
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət