“BP-Azerbaijan” şirkəti Xəzərin Azərbaycan sektorunda yerləşən “Şahdəniz” yatağında qazılan “SDX-8” kəşfiyyat quyusundan əldə olunan məlumatların analizinə başlayıb. Bunu BP şirkətinin Azərbaycan, Gürcüstan və Türkiyə regionunda quyular üzrə vitse-prezidenti Cim O’Liri deyib.
“Quyu ötən ilin dekabrında uğurla 7 min metr layihə dərinliyinə çatdırılıb. Mürəkkəb bir quyu idi. Lakin biz onu çox səmərəli və təhlükəsiz şəkildə layihə dərinliyinə çatdırdıq. Əldə olunan nəticələrin analizi və emalı üçün quyu müvəqqəti olaraq bağlanılıb”, - deyə o, bu gün jurnalistlərə açıqlamasında bildirib.
Vitse-prezident qeyd edib ki, analizin nəticələrinə əsasən həmin quyudan necə istifadə olunacağı və ümumiyyətlə gələcək planlarla bağlı qərar veriləcək.
“Dərinliyi 7 min metr olan bu cür mürəkkəb quyulardan alınan məlumatların analizi çox vaxt aparır. Quyudan alınan məlumatların emal olunduğu müddətdə “Heydər Əliyev” yarımdalma qazma qurğusu “Şahdəniz” yatağında həyata keçirilən digər işlərə cəlb olunacaq”, - deyə C.O’Liri əlavə edib.
Onun sözlərinə görə, şirkət 2024-cü ildə “Şahdəniz” yatağında 3 hasilat quyusu qazmağı planlaşdırır.
“Uğurlu olacağı təqdirdə “SDX-8” quyusu yatağın şərq cinahında hazırda istismarda olan məhsuldar layların altındakı daha dərin horizontların qazma xüsusiyyətləri, hasilat imkanları və qaz ehtiyatları potensialı haqqında daha aydın təsəvvür yaradacaq.
“Şahdəniz” yatağının işlənməsi haqqında müqavilə 1996-cı il iyunun 4-də Bakıda imzalanıb və elə həmin il oktyabrın 17-də Milli Məclisdə ratifikasiya edilib. “Şahdəniz” layihəsinin iştirakçıları bp (operator – 29,99%), LUKOIL (19,99%), TPAO (19%), NICO (10%) və “Cənub Qaz Dəhlizi” QSC-dir (21,02%).
Hazırda “Şahdəniz” yatağından qaz hasilatı “Mərhələ-1” çərçivəsində “Alfa” və “Mərhələ-2” çərçivəsində “Bravo” platformalarından həyata keçirilir. “Şahdəniz” yatağından qaz hasilatına 2006-cı ilin dekabr ayında başlanılıb.*
N.Abbasova
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət