Avropa Şurasının çirkli pulların yuyulması və terrorçuluğun maliyyələşdirilməsinə qarşı mübarizə tədbirlərinin qiymətləndirilməsi üzrə ekspertlər komitəsi (MONEYVAL) fevralın 12-də Azərbaycanla bağlı qiymətləndirmə hesabatı (V raund üzrə) dərc edib. Hesabatda Avropa Şurası ölkə hakimiyyətini çirkli pulların yuyulması, terrorizmin və kütləvi qırğın silahlarının yayılmasının maliyyələşdirilməsinə qarşı mübarizə tədbirlərinin gücləndirilməsini davam etdirməyə çağırıb.
“Bu gün dərc olunmuş yeni hesabatda MONEYVAL Azərbaycan hakimiyyətini çirkli pulların yuyulması, terrorçuluğun və kütləvi qırğın silahlarının yayılmasının maliyyələşdirilməsinə qarşı mübarizə tədbirlərini daha da gücləndirməyə çağırır”, - deyə “İnterfaks-Azərbaycan” agentliyi Avropa Şurasının saytında yerləşdirilmiş məlumata istinadən bildirib.
Hesabatda ölkənin çirkli pulların yuyulmasına qarşı maliyyə tədbirləri üzrə işçi qrup (FATF) tərəfindən hazırlanmış standartlara əməl etməsi ilə bağlı kompleks qiymətləndirmə təqdim olunub.
Sənəddə deyilir ki, MONEYVAL-ın Azərbaycanı sonuncu dəfə qiymətləndirdiyi 2014-cü ildən bu günədək ölkə çirkli pulların yuyulması və terrorçuluğun maliyyələşdirilməsinə qarşı mübarizə üçün öz hüquqi və institusional bazasının möhkəmləndirilməsi istiqamətində bir sıra tədbirlər görüb və çirkli pulların yuyulmasına və terrorçuluğun maliyyələşdirilməsinə qarşı mübarizə sisteminin elementlərini tətbiq etməyə başlayıb.
MONEYVAL qeyd edir ki, Azərbaycan terrorçuluğun maliyyələşdirilməsinə qarşı mübarizədə əhəmiyyətli səmərəliliyə nail olub və hakimiyyət terrorçuluğun maliyyələşdirilməsi ilə bağlı cinayətləri uğurla araşdırmaq bacarığını nümayiş etdirib.
Beynəlxalq əməkdaşlığa gəlincə, Azərbaycan əhəmiyyətli səmərəlililiyə nail olub və hökumətin konstruktiv yardım göstərmək və yardım almaq üçün müraciət etmək qabiliyyətinə görə yüksək qiymətləndirilib.
Bununla yanaşı, MONEYVAL-ın ekspertləri qeyd edirlər ki, çirkli pulların yuyulmasına görə səmərəli araşdırmanın və məhkəmə təqibinin həyata keçirilməsi üçün ciddi təkmilləşdirmələr aparılmalı, araşdırma və məhkəmə təqiblərində daha çox ardıcıllığın təmin edilməsi üçün əlavə tədbirlər görülməlidir. Hesabatda digər tövsiyələr də yer alır.
Azərbaycan 2025-ci ilin dekabr ayında çirkli pulların yuyulması və terrorçuluğun maliyyələşdirilməsinə qarşı mübarizə tədbirlərinin möhkəmləndirilməsində irəliləyişlə bağlı hesabat təqdim edəcək.
2018-ci il dekabr ayının 5-də MONEYVAL Azərbaycan Respublikasının cinayət yolu ilə əldə edilmiş pul vəsaitlərinin və digər əmlakın leqallaşdırılmasına və terrorçuluğun maliyyələşdirilməsinə qarşı mübarizə sahəsində IV raund qiymətləndirilməsi üzrə hesabatını dinləyib. Hesabatda MONEYVAL-ın tövsiyələrinin Azərbaycan Respublikası tərəfindən müvəffəqiyyətlə yerinə yetirildiyi qeyd edilib. Həmçinin ölkədə bu sahədə aparılmış islahatlar da yüksək dəyərləndirilib. Beləliklə, Azərbaycan Respublikasının cinayət yolu ilə əldə edilmiş pul vəsaitlərinin leqallaşdırılmasına və terrorçuluğun maliyyələşdirilməsinə qarşı mübarizə üzrə fəaliyyətinə yüksək qiymət verilib.*
R.Kərimov
Yelo Bank-ın əsas maliyyə göstəricilərində pozitiv tendensiya davam edir!
“Azpetrol” 27 yaşını qeyd edir!
Bank Respublika inkişaf tempini əhəmiyyətli dərəcədə artıraraq yüksək nəticələr əldə edib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo App-də komissiyasız xarici pulköçürmələri!
İllik 9.5% ilə kredit üçün son bir həftə!
Bank Respublika və SİF media nümayəndələri üçün Lənkərana press-tur təşkil edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət