Çərşənbə axşamı Azərbaycan Respublikası Konstitusiya Məhkəməsi Plenumunun iclası keçirilib. İclasda 2024-cü il fevralın 7-də keçirilmiş növbədənkənar Azərbaycan Respublikası Prezidenti seçkilərinin nəticələrinə dair Mərkəzi Seçki Komissiyasından daxil olmuş materiallar üzrə xüsusi konstitusiya icraatı qaydasında konstitusiya işinə baxılıb. Konstitusiya Məhkəməsi növbədənkənar Azərbaycan Respublikası Prezidenti seçkilərinin yekunlarının təsdiq və rəsmən elan olunmasına dair qərar qəbul edib.

Bu barədə “İnterfaks-Azərbaycan”ın müxbiri məlumat verir.

Konstitusiya Məhkəməsinin sədri Fərhad Abdullayev qərarı oxuyub.

Konstitusiya Məhkəməsinin qərarı ilə MSK-nın yekun protokoluna əsasən, İlham Əliyev 92,12% səslə prezident seçkilərində qalib gəlib. 4 milyon 567,458 min seçici Əliyevə səs verib.

Abdullayev vurğulayıb ki, seçkilərdə ümumilidkdə 4 milyon 967,795 seçici səs verib. Bununla yanaşı, MSK tərəfindən 9 828 bülleten etibarsız, 4 milyon 957,967 min bülleten etibarlı sayılıb.

Abdullayev əlavə edib ki, səsvermənin yekunlarına əsasən İlham Əliyev Azərbaycan Respublikasının prezidenti seçilib, seçkilərdə iştirak edən seçicilərin 50 -dən çoxu ona səs verib.

Mərkəzi Seçki Komissiyasının (MSK) sədri Məzahir Pənahov iclasda məlumat verib ki, 11 məntəqə seçki komissiyasında nöqsanlar olduğu aşkar edildi. MSK-nın qərarı ilə həmin seçki məntəqələrinin məntəqə seçki komissiyaları buraxılıb. Nəticədə, seçkilərdə yekun fəallıq 76,43% təşkil edib.

Pənahov əlavə edib ki, səsvermə günü MSK-yə heç bir şikayət daxil olmayıb. **

İnformasiya şöbəsi