Dağlıq Qarabağ münaqişənin həllinə dair danışıqlarda iştirakına dair qərar İrəvan və Bakı ilə razılaşdırılmalıdır. Bunu Rusiyanın XİN başçısı Sergey Lavrov deyib.

“Moskvanın mövqeyi dəyişilməz qalıb: Dağlıq Qarabağ məsələsi, Azərbaycan və digər dövlətlərlə bərabər Ermənistanın da üzv olduğu, ATƏT-in Minsk qrupu vasisəsilə həll olunmalıdır. Biz əminik ki, bu optimal formatdır”, - S.Lavrov erməni həmkarı Zoqrab Mnatsakyan ilə görüşünün yekunlarına dair mətbuat konfransında qeyd edib.

S.Lavrov bildirib ki, danışıqlar formatının dəyişdirilməsinə dair bütün razılıqlar İrəvanla Bakı arasında razılıqlar vasitəsilə əldə olunur.

“Əgər tərəflər arasında hər hansı mərhələdə Dağlıq Qarabağın danışıqlarda təmsil olunacağına dair razılıq əldə olunarsa - bu onların qərarı olacaq və biz buna hörmətlə yanaşacağıq”, - nazir vurğulayıb. **