Britaniyanın “Anglo Asian Mining” şirkəti (AAM - Azərbaycanda qızıl yataqlarının işlənməsi üzrə operator) 2022-ci ilin IV rübündə iki yeni qızıl sahəsində hasilata başlamağı planlaşdırır.
“Biz 2022-ci ilin mart ayında “Qoşa” mədəninin cənubunda “Həsən” subşaquli qızıl mənbəyinin kəşf edildiyini elan etmişdik. Burada 1 ton filizdə qızılın miqdarı 229,5 qrama qədər qiymətləndirilir. Hazırda biz “Həsən” qızıl mənbəyinin potensialını qiymətləndirir və hasilat planını işləyib hazırlayırıq. Hasilata bu ilin dördüncü rübünün əvvəlində başlamağı planlaşdırırıq”, - deyə şirkətin məlumatında bildirilir.
Bundan başqa, AAM 2022-ci ilin dördüncü rübünün əvvəlində Zəngilan rayonunda “Vejnəli” qızıl yatağından hasilata başlamaq niyyətindədir.
““Vejnəli” yatağına giriş icazəsi 2021-ci ilin sonunda əldə edilib və hazırda yataq istismar üçün təhlükəsizdir. Biz kiçik emal zavodundan ibarət mövcud infrastruktur üzərində mülkiyyət hüququ əldə etmişik. Hazırda AAM komandası Vejnəlidədir və 2022-ci ilin dördüncü rübünün əvvəlində hasilata başlamaq üçün fəaliyyətimiz intensivləşir”, - deyə məlumatda qeyd olunur.
Əmirxanlı kəndi və Ağbənd qəsəbəsi yaxınlığında yerləşən “Vejnəli” müqavilə sahəsi təxminən 300 kvadrat kilometr təşkil edir. Sovet təsnifatına görə, yatağın ehtiyatları 6,5 ton qızıl (C1 + C2), 2,3 ton qızıl (P1) və 3 min ton mis təşkil edir.
Azərbaycan hökuməti və “Anglo Asian Mining PLC” şirkəti arasında Production Sharing Agreement (PSA) tipli müqavilə 1997-ci il avqust ayının 21-də imzalanıb və 6 yatağın işlənməsini nəzərdə tutur. Müqavilədə Azərbaycanın payı 51%, “Anglo Asian Mining PLC” şirkətinin payı 49% təşkil edir.
Müqaviləyə görə, bu yataqlardan 400 ton qızıl və 2,5 min ton gümüş hasilatı planlaşdırılır.
“Gədəbəy” yatağından ilk qızıl hasilatına 2009-cu ildə, gümüş hasilatına 2010-cu ildə başlanılıb. Şirkət 2013-cü ilin sentyabr ayında “Qoşa” müqavilə sahəsinin işlənməsinə başlayıb.
Hazırda “Anglo Asian Mining” “Gədəbəy” və “Qoşa” müqavilə sahələrindən qiymətli metal hasil edir.*
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət