Azərbaycanın qeyri-neft sektorunda ÜDM-in istehsal həcmi 2007-ci ilin yanvar-sentyabr aylarında 6 mlrd. 301,5 mln. manat təşkil edib ki, bu da 2006-cı ilin analoji dövrünün göstəricisindən 8,9 % çoxdur. Bu barədə Dövlət Statistika Komitəsinin (DSK) sədri Arif Vəliyev bazar ertəsi keçirdiyi mətbuat kofransıında məlumat verib.
“2007-ci ilin yanvar-sentyabr aylarında Azərbaycanda ÜDM-in ümumi həcmi 27,1% artaraq 16 mlrd. 608 mln. manat təşkil edib. Bizim proqnozlarımıza görə, ÜDM-in artımı 2007-ci ilin sonlarına qədər 28-29% səviyyəsində saxlanılacaq. Bununla yanaşı hesabat dövründə ÜDM-in qeyri-neft sektorundakı həcmi 6 mlrd. 301,5 mln. manat təşkil edib ki, bu da 2006-cı ilin yanvar-sentyabr aylarının göstəricisindən 8,9% çoxdur. Bu da öz növbəsində kifayət qədər böyük göstərici hesab edilir”,- deyə A. Vəliyev bildirib.
O deyib ki, 2007-ci ilin 9 ayı ərzində Azərbaycanda televizor istehsalı 2,2 dəfə- 6,285 min ədəd artıb ki, bu da istehsalı 4,7 dəfə - 489 ədəd artan minik avtomobilləri kimi ölkə üçün yeni məhsul hesab edilir. Bundan əlavə, Azərbaycanda ilk dəfə olaraq 331 traktor istehsal olunub.
A. Vəliyevin sözlərinə görə, 2007-ci ilin yanvar-sentyabr aylarında xarici ticarətin dövriyyəsi 2006-cı ilin 9 ayı ilə müqayisədə 4,7% azalıb. Xarici ticarətin dövriyyəsi $8 mlrd. 223,3 mln. təşkil edib ki, bunların da 4 mlrd. 315,9 milyonu ixracın (11% azalma), $3 mlrd. 907,4 milyonu isə idxalın (artım 3,2%) payına düşüb.
“Mal dövriyyəsinin həcminin azalmasına səbəb “Azəri-Çıraq-Günəşli” blokundan 10 gün ərzində neft hasilatının və ixracının ixtisarı olub”,- deyə A. Vəliyev bildirib. Bu dövr ərzində Azərbaycan ticarət əməliyyatlarını əsasən Türkiyə (18,2%) və İtaliya (13,8%) ilə aparıb.
DSK sədri bildirib ki, 2007-ci ilin 9 ayı ərzində Azərbaycan iqtisadiyyatına qoyulan xarici investisiyaların həcmi 12,7% azalaraq 2 mlrd. 056,6 mln. manat təşkil edib. Bununla yanaşı bu dövr ərzində qoyulan xarici investisiyalar ən çox Böyük Britaniyadan (44%), ABŞ-dan (21,4%) və Yaponiyadan olan şirkətlərin (12,4%) payına düşüb.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NEQSOL Holding “Parla” təqaüd proqramı üzrə növbəti təlim keçirib
“Norm” ASC ASİA-nın “Xalis Sıfır Sürətləndirici” təşəbbüsünə qoşulub
TuranBank İçərişəhərdə yeni şöbəsini müştərilərin istifadəsinə verdi
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət