Milli Məclis RF prezidenti Dmitri Medvedyevin bu il iyunun 3-4-də Azərbaycana səfəri zamanı imzalanmış “Dostluq və strateji tərəfdaşlıq haqqında” bəyanatı təsdiqləyib.
“Bu sənəd Rusiya-Azərbaycan münasibətlərinin daha da möhkəmləndirilməsinə xidmət edəcək”,-deyə Milli Məclisin deputatı Çingiz Əsədullayev cümə axşamı parlamentin iclasında Rusiya və Azərbaycan prezidentləri Dmitri Medvedyevlə İlham Əliyevin birgə bəyanatını təqdim edərkən bildirib.
Onun sözlərinə görə, əgər iki ölkə arasında əmtəə dövriyyəsi 2007-ci ilin yekunlarına əsasən $1,7 mlrd. təşkil edirdisə, 2008-ci ilin sonunadək bu göstərici $2 mlrd. olacaq.
Bəzi deputatlar bu bəyanatın qəbulunun lehinə, bəzi müxalifətçi deputatlar isə əleyhinə çıxıblar. “Mən bizim hökumətin Rusiya ilə münasibətlərinə dair siyasətini dəstəkləyirəm”,-deyə deputat Elmira Axundova bildirib. “Gürcüstan hadisələri göstərdi ki, münaqişələri güc yolu ilə həll etmək olmaz, onları diplomatiya və danışıqlar yolu ilə həll etmək lazımdır”,-deyə o əlavə edib. E.Axundovanın sözlərinə görə, rus icması həmişə Azərbaycanın milli maraqları naminə hərəkət edib. “Azərbaycanda rus icması heç zaman beşinci kolon olmayıb”, deyə E.Axundova bəyanatın ratifikasiyasının əleyhinə olanlara bildirib.
Müxalifətdə olan Azərbaycan Vahid Xalq Cəbhəsi Partiyasının sədri Qüdrət Həsənquliyev isə hesab edir ki, Azərbaycan nəinki Rusiya ilə belə sənədlər imzalamamalı, hətta MDB-nin tərkibindən çıxmalıdır. “Sənədin ikinci bəndində deyilir ki, tərəflər regionda təhlükəsizliyin təminatı məsələsində əməkdaşlıq edəcəklər, bir qədər sonra isə tərəflərdən biri –Rusiya bizim strateji tərəfdaşımız olan Gürcüstanı işğal edib. Rusiyadan qorxmaq lazım deyil. O, Azərbaycan üçün edə biləcəyi pislikləri artıq edib”,-deyə Q.Həsənquliyev vurğulayıb.
Öz növbəsində Müsavat Partiyasından olan deputat Nəsib Nəsibli Milli Məclis tərəfindən bu sənədin ratifikasiyanın gec müddətə təxirə salınmasını təklif edib. “Başa düşürəm ki, diplomatik ritorika baxımından bu sənədin qəbulu vacibdir. Lakin bu proseduru bir qədər sonra yerinə yetirmək lazımdır”,-deyə o bildirib. “Cənubi Osetiyada münaqişə Rusiya və Gürcüstan arasında müharibə deyil. Bu, Rusiyanın etnik münaqişələrə münasibətidir. Rusiya Cənibi Osetiya və Abxaziyanın suverenliyini tanımaqla presedent yaradıb. Bununla da Qarabağ münaqişəsinin nizamlanması çətinləşib”,-deyə N.Nəsibli vurğulayıb.
AccessBank Тaksi xidmətləri üzrə tender elan edir
AccessBank QSC Symantec Endpoint Protection üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
“Nar” voleybol üzrə milli komandalarımıza Qızıl Avropa Liqasında uğurlar arzulayır!
Yelo Bank-ın dəstəyi ilə növbəti SHE Congress tədbiri keçiriləcək
Yelo Bank biznes sahibləri üçün Mobil POS xidmətini təqdim edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət