Azərbaycanın keçmiş prezidenti, Sosial-Demokrat Partiyasının (ASDP) həmsədri Ayaz Mütəllibov yaxın vaxtlarda Rusiyadan vətənə qayıtmağı planlaşdırır. Bu barədə "İnterfaks-Azərbaycan" agentliyinə ASDP-nin həmsədri Araz Əlizadə məlumat verib.
"Azərbaycanın birinci prezidenti Ayaz Mütəllibov yaxın vaxtlarda Azərbaycana qayıdacaq. Ancaq o, siyasətdən getməyə qərar verib", - deyə A.Əlizadə bildirib.
A.Mütəllibovun Azərbaycana qayıdışı çərşənbə axşamı Milli Məclis tərəfindən “Azərbaycan Respublikasının keçmiş prezidentinin və onun ailə üzvlərinin təminatı haqqında Konstitusiya qanunu”nun qəbul edilməsi ilə əlaqədardır.
Milli Məclis çərşənbə axşamı “Azərbaycan Respublikasının keçmiş prezidentinin və onun ailə üzvlərinin təminatı haqqında Konstitusiya qanunu”nu qəbul edib.
109 deputat qanunun lehinə, 1 deputat əleyhinə səs verib.
Qanuna əsasən, keçmiş prezidentlər prezident vəzifəsində olan şəxsin əməkhaqqının 50%-i həcmində pensiya alacaqlar. Bundan başqa, keçmiş prezidentlər üçün nümayəndəlik xərcləri prezident vəzifəsində olan şəxsin əməkhaqqının 20%-i məbləğində müəyyən edilir. Keçmiş prezident vəfat etdikdə pensiya onun həyat yoldaşına ödənilir.
Qanun, həmçinin, keçmiş prezidentə avtomobil, sürücü və 3 mühafizəçinin verilməsini nəzərdə tutur. Keçmiş prezidentlərə və onların həyat yoldaşlarına diplomatik pasport veriləcək, onların toxunulmazlığı qanunla qorunacaq.
Mövcud qanunvericiliyə əsasən, Konstitusiya qanunları iki mərhələdə qəbul olunur, onların arasında müddət ən azı 6 ay olmalıdır. Sənəd 2011-ci ilin sonunda birinci oxunuşda qəbul edilib.
Xəbər verildiyi kimi, Konstitusiya qanunu Azərbaycanın bütün keçmiş prezidentlərinə şamil olunacaq.
Azərbaycanın birinci prezidenti Ayaz Mütəllibov (1991-1992-ci illər), ikinci prezidenti Əbülfəz Elçibəy (Əliyev) (1992-1993-cü illər), üçüncü prezidenti Heydər Əliyev (1993-2003-cü illər) olub. Azərbaycanın indiki - dördüncü prezidenti İlham Əliyev 2003-cü ildə dövlət başçısı seçilib və 2008-ci ildə ikinci müddətə yenidən seçilib.
AccessBank Тaksi xidmətləri üzrə tender elan edir
AccessBank QSC Symantec Endpoint Protection üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
“Nar” voleybol üzrə milli komandalarımıza Qızıl Avropa Liqasında uğurlar arzulayır!
Yelo Bank-ın dəstəyi ilə növbəti SHE Congress tədbiri keçiriləcək
Yelo Bank biznes sahibləri üçün Mobil POS xidmətini təqdim edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət