2012-ci ilin I yarısında Azərbaycanın dövlət büdcəsinin profisiti 1 mlrd. 24 mln. manat təşkil edib.
“2012-ci ilin I yarısında dövlət büdcəsinin gəlirləri 8 mlrd. 134 mln. manat, xərcləri – 7 mlrd. 110 mln. manat təşkil edib”, - deyə maliyyə naziri Samir Şərifov Azərbaycan Prezidentinin sədrliyi ilə Nazirlər Kabinetinin cari ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında bildirib.
S.Şərifovun nitqinin mətni cümə axşamı rəsmi mətbuatda dərc olunub.
Nazir qeyd edib ki, yanvar-iyun ayları ərzində büdcə mədaxili üzrə plan 106,2%, xərclər üzrə - 91,4% yerinə yetirilib. Bununla yanaşı, ötən ilin analoji dövrü ilə müqayisədə büdcə gəlirləri - 45%, xərcləri – 45,6% artıb.
“Hesabat dövrü ərzində Vergilər Nazirliyi dövlət büdcəsinə 2 mlrd. 968 mln. manat məbləğində vergi və rüsum köçürüb, bu isə 2011-ci ilin 6 ayının göstəricisindən 15,8% çoxdur. Dövlət Gömrük Komitəsi tərəfindən büdcəyə 557 mln. manat məbləğində vergi və rüsum köçürüb, bu isə ötən ilin yanvar-iyun aylarının göstəricisindən 2,7% çoxdur”, - deyə nazir qeyd edib.
Onun sözlərinə görə, hesabat dövründə Dövlət Neft Fondundan büdcəyə transferlər 4 mlrd. 592 mln. manat, qalanı – digər daxilolmalar təşkil edib.
S.Şərifov vurğulayıb ki, büdcə xərcləri strukturunda 2,3 mlrd. manat və ya bütün xərclərin 32,3%-i sosial yönümlü xərclər təşkil edib. Onların həcmi ötən ilin analoji dövrü ilə müqayisədə 370 mln. manat və ya 19,2% artıb.
Maliyyə naziri əlavə edib ki, hesabat dövründə büdcənin investisiya xərcləri strukturunda 514 mnş manat sosial infrastrukturun tikintisi və bərpasına yönəldilib.
I yarımillikdə daha 1 mlrd. 476 mln. manat nəqliyyat, su təchizatı, qaz təchizatı, mənzil kommunal təsərrüfatı, suvarma sahəsində infrastrukturun təkmilləşdirilməsinə yönəldilib. Xüsusilə, yol-nəqliyyat infrastrukturlarının tikintisi və yenidən qurulması üçün - 405 mln. manat, “Bakı Metropoliteninin 2011-2015-ci illərdə inkişafına dair Dövlət Proqramı”nın icrasına - 118 mln. manat, su təchizatı və kanalizasiya sisteminin bərpası və yenidənqurulmasına - 154 mln. manat, torpaqların su təminatı və meliorativ vəziyyətinin yaxşılaşdırılması tədbirlərinə - üçün 156 mln. manat vəsait yönəldilib.
S.Şərifov vurğulayıb ki, Naxçıvan Muxtar Respublikasında infrastrukturun təkmilləşdirilməsinə yanvar-iyun aylarında 118 mln. manat yönəldilib.
“Bundan başqa, hesabat dövründə 348 mln. manat məbləğində infrastruktur layihələrin reallşaması üçün cəlb olunan xarici kreditlər xərclənib”, - deyə nazir əlavə edib.
Maliyyə naziri qeyd edib ki, birinci yarımillıkdə bücədən dövlət öhdəliklərin yerinə yetirilməsinə - 61 mln. manat, sahibkarlığın inkişafına - 110 mln. manat, fermerlərə kreditlərin verilməsinə, onlara kənd təsərrüfatı texnikasının lizinqə veilməsi, ASK məhsulları istehsalçılarının digər problemlərin həllinə - 86 mln. manat yönəldilib.
2012-ci ilə Azərbaycanın dövlət büdcəsi 17 mlrd. 38 mln. manat məbləğində gəlirlər, 17 mlrd. 672 mln. manat məbləğində xərclərlə təsdiq edilib. Büdcənin kəsiri 634 mln. manat və ya ÜDM-nin təxminən 1,3%-i səviyyəsində proqnozlaşdırılır.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NeoKart sahibləri keşbek faizini özləri təyin edə biləcək!
Yelo Bank-ın dəstəyi ilə "Lider, yoxsa rəhbər" mövsuzunda top forum keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət