Azərbaycan qarşıda duran məsələləri həll etmək üçün BMT-nin potensialından istifadə etməkdə davam edəcək. Bu ilk növbədə Qarabağ probleminin həllinə aiddir. Bu barədə XİN-in xüsusi tapşırıqlar üzrə səfiri, BMT yanında keçmiş xüsusi nümayəndə Yaşar Əliyev bəyan edib.
“Əminəm ki, biz gələcəkdə də BMT çərçivəsində uğurlar əldə edəcəyik”, - deyə Y.Əliyev cümə günü “Azərbaycan-BMT: 20 illik əməkdaşlıq və gələcək perspektivlər” adlı tədbirdə bildirib.
Öncə o iştirakçılara BMT Təhlükəsizlik Şurasının Qarabağ münaqişəsinə dair ilkin qətnamələrin qəbul edilməsi tarixi barədə məlumat verib.
“BMT-də qərarlarımız qəbul edilən zaman erməni tərəfinin müqavimətini nəzərə alaraq biz anlayırdıq ki, düz yoldayıq”, - deyə Y.Əliyev bildirib.
O ölkənin çətin vaxtlarında azərbaycanlı qaçqın və məcburi köçkünlərə humanitar yardım göstərilməsində BMT-nin xidmətlərini xüsusi qeyd edib.
“Biz heç zaman BMT-nin köməyini yaddan çıxarmayacağıq. Bu gün Azərbaycan özü də donor ölkə qismində çıxış edir”, - deyə o respublikanın Somali, Pakistan, Əfqanıstan və bir sıra digər ölkələrə humanitar yardım göstərdiyini xatırladıb.
“BMT Azərbaycan üçün ən vacib təşkilatlardan biridir”, - deyə ADA-nın rektoru Hafiz Paşayev öz növbəsində qeyd edib. O BMT-nin Azərbaycandakı əlaqələndirici rezidenti Antonio Brukun fəaliyyətinin uğurlu olacağına ümid etdiyini bildirib. “Ümid edirəm ki, fəaliyyətiniz uğurlu olacaq. Siz bizə BMT-də daha yaxşı təqdim edilməyimizə kömək edəcəksiniz və mövcud problemlərin həllinə imkan yaradacaqsınız”, - deyə H.Paşayev bildirib.
“Əgər BMT-yə üzvlüyün ilk illərində Azərbaycanın hansı çətinliklərlə qarşılaşdığını yadımıza salsaq, həmçinin böyük sayda qaçqınları nəzərə alaraq, o zaman ötən 20 il ərzində respublikanın heyrətləndirici yol keçdiyinin şahidi olarıq”, - deyə A.Bruk bildirib.
O Azərbaycan hökumətinin yoxsulluğun azalması və ölkənin regionlarının inkişafı, qaçqınların vəziyyətinin yaxşılaşmasına yönələn addımlarını alqışlayıb.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Bank Respublika biznes müştəriləri üçün “Mobil Ofis Biznes” tətbiqini yenilədi!
Yelo Bank-ın dəstəyi ilə “Eko Dilçilik” beynəlxalq forumu keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət