Azərbaycan Dövlət Neft Fondu (ARDNF) 2014-cü ildə Trans-Anadolu qaz kəmərinin tikintisi layihəsində (Trans Anadolu Pipeline, TANAP) Azərbaycanın payının maliyyələşdirilməsinə 800 mln. manat vəsait ayıracaq. Bu barədə ARDNF-in icraçı direktoru Şahmar Mövsümov bazar ertəsi parlament komitələri tərəfindən 2014-cü il dövlət büdcəsi layihəsinin müzakirəsi zamanı məlumat verib.
“2014-cü ildə TANAP layihəsinin reallaşdırılmasına ARDNF-in büdcəsindən 800 mln. manat vəsaitin yönəldilməsi planlaşdırılır. Bundan əlavə, 2014-cü ildə Türkiyədə “Star” NEZ-in tikintisi layihəsində Azərbaycan hökumətinin payının (40%) maliyyələşdirilməsi üçün 223 mln. manat ayrılacaq”,- deyə Ş.Mövsümov qeyd edib.
Onun sözlərinə görə, gələn il fondun büdcəsindən Azərbaycanda yeni neft-kimya və neft emalı kompleksinin tikintisi üçün 285 mln. manat, yüksəksürətli internetlə təmin olunmaq üçün fiberoptik xətlərin çəkilməsi layihəsinin reallaşdırılmasına 100 mln. manat vəsaitin ayrılması nəzərdə tutulub.
Ş.Mövsümov əlavə edib ki, 2014-cü ildə ARDNF büdcəsindən qaçqın və məcburi köçkünlərin sosial şəraitinin yaxşılaşdırılmasına 300 mln. manat, Bakı-Tbilisi-Qars dəmir yolu dəhlizinin tikintisinə 132 mln. manat, Samur-Abşeron suvarma sisteminin tikintisinə 80,2 mln. manat, azərbaycanlı tələbələrin xaricdə təhsil proqramının maliyyələşdirilməsinə 33,7 mln. manat vəsait ayrılacaq.
Trans-Anadolu Pipeline qaz kəməri “Mərhələ-2” çərçvəsində “Şahdəniz” yatağından hasil edilən Azərbaycan qazının Gürcüstan-Türkiyə sərhədindən Türkiyənin qərb sərhədlərinə qədər nəqli üçün nəzərdə tutulub. Qaz kəmərinin ötürmə qabiliyyəti ən azı 16 mlrd. kubmetr təşkil edəcək. Bu həcmin 10 mlrd. kubmetri Avropa, 6 mlrd. kubmetri Türkiyənin qərb regionlarına göndəriləcək.
TANAP layihəsinin dəyəri $10-11 mlrd. həcmində qiymətləndirilir.
TANAP layihəsində Türkiyənin BOTAS və TRAO şirkətləri 20%, SOCAR 80% paya malikdir. Bununla yanaşı, SOCAR səhmlərin 51%-ni özündə saxlamaq niyyətindədir, qalan 29%-ni isə BP (12%), “Statoil” (12%) və TOTAL (5%) şirkətlərinə təklif edib.
“Şahdəniz” yatağının işlənməsi haqqında müqavilə 1996-cı il iyunun 4-də Bakıda imzalanıb və elə həmin il oktyabrın 17-də Milli Məclisdə ratifikasiya edilib. “Şahdəniz” layihəsinin iştirakçıları BP (operator – 25,5%), “Statoil” (25,5%), SOCAR (10%), “LUKoil” (10%), “NICO” (10%), “Total” (10%) və TPAO (9%) şirkətləridir. “Mərhələ-2” üzrə qaz hasilatı 2018-ci il üçün nəzərdə tutulub. İllik hasilat həcmi 16 mlrd. kubmetr qaz təşkil edəcək.
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NEQSOL Holding “Parla” təqaüd proqramı üzrə növbəti təlim keçirib
“Norm” ASC ASİA-nın “Xalis Sıfır Sürətləndirici” təşəbbüsünə qoşulub
TuranBank İçərişəhərdə yeni şöbəsini müştərilərin istifadəsinə verdi
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət