Miqrantların hüquqlarının təmin edilməsi və miqrasiya proseslərinin tənzimlənməsi məsələlərində başqa ölkələrə örnək olması üçün Azərbaycanın yaxşı potensialı var. Bu barədə Beynəlxalq Miqrasiya Təşkilatının Azərbaycandakı nümayəndəliyinin rəhbəri vəzifəsini icra edən Sərxan Aktorpak bəyan edib.
“Biz Azərbaycanın tranzit imkanlarının artmasını və nəqliyyat infrastrukturunun yaxşılaşmasını gözləyirik, bu, miqrasiya axınının artmasına gətirib çıxaracaq”, - deyə S.Aktorpak “Azərbaycan Respublikasında miqrasiya siyasəti və insan hüquqları” adlı beynəlxalq konfransda çıxışı zamanı bildirib.
Onun sözlərinə görə, Azərbaycanda miqrantların hüquqları yüksək səviyyədə qorunur.
“Azərbaycanda milli və ya regional mənsubiyyətinə görə dözümsüzlük təzahürləri yoxdur. Ölkə rəhbərliyi miqrasiya problemlərinin həlli yönündə ciddi iş aparır”, - deyə o qeyd edib.
C.Aktorpak bildirib ki, Azərbaycanda son illər miqrasiya proseslərinin çox sürətlə inkişaf etməsi müşahidə olunur.
“Əgər 2008-ci ilə qədər Azərbaycanda miqrasiya sahəsində disbalans müşahidə olunurdusa, yəni ölkə hüdudlarından kənara çıxanların sayı gələnlərin sayını üstələyirdisə, son illər ölkənin uğurlu sosial-iqtisadi inkişafı nəticəsində mənzərə yaxşılığa doğru dəyişib”, - deyə o bildirib.
Onun sözlərinə görə, əgər 2011-ci ildə Azərbaycana gələnlərin sayı və ölkədən gedənlərin sayı 5,7 mln. nəfər təşkil edibsə, 2013-cü ildə bu göstərici 6,8 mln. nəfərə çatıb.
“Yəni iki il ərzində həm ölkədən gedən, həm də ölkəyə gələn miqrantların sayı 1 mln. nəfərdən çox artıb. Bu o deməkdir ki, Azərbaycanda miqrasiya prosesləri çox sürətlə inkişaf edir. Əgər Azərbaycanın əhalisi 100 mln. nəfər olsaydı, bu, o qədər də nəzərə çarpmazdı. Lakin bu gün ölkə əhalisi 9 mln. 280 min nəfər təşkil edir və bununla da miqrasiya proseslərinin ciddiyyəti aydın olur”,- deyə S.Aktorpak söyləyib.
Bununla yanaşı, o, miqrantların hüquqlarının təmin edilməsinin daha da təkmilləşdirilməsi üçün mexanizmlərin gücləndirilməsinin zəruriliyini vurğulayıb.
“Biz görürük ki, Azərbaycan rəhbərliyinin bunun üçün iradəsi var. Biz çox şadıq ki, Azərbaycanda bu istiqamətdə lazımi addımlar atılır”, - deyə o əlavə edib.
S.Aktorpak bildirib ki, Beynəlxalq Miqrasiya Təşkilatı Azərbaycanın müxtəlif dövlət qurumları, o cümlədən Daxili İşlər, Ədliyyə nazirlikləri ilə əməkdaşlıq edir, cari ildə isə Polis Akademiyası üçün müvafiq tədris proqramı hazırlamağı planlaşdırır.
“Biz Azərbaycanın Ədliyyə Nazirliyi ilə ciddi əməkdaşlıq edirik, miqrasiya və traffikinq məsələləri ilə əlaqədar məhkəmə, prokuror və vəkillərin potensialının artırılması məqsədi ilə tədbirlər həyata keçiririk”,- deyə o əlavə edib.
AccessBank Əmlakın qiymətləndirməsi üzrə tender elan edir
Azpetrol şirkəti Laçın rayonunda Modul tipli YDM istifadəyə verdi
AccessBank QSC PAM (privileged account monitoring tool) alışı üzrə tender elan edir
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət