İyunun 3-də Bakıda “ITE Group” şirkəti və onun Xəzər regionunda eksklüziv tərəfdaşı olan “Iteca Caspian” şirkətinin təşkilatçılığı ilə 21-ci Beynəlxalq “Xəzər Neft və Qaz-2014” sərgisinin (“Caspian Oil & Gas 2014”) açılışı olacaq.
“Bu il sərgidə dünyanın 29 ölkəsindən 402 şirkət iştirak edəcək. 2013-cü illə müqayisədə bütün ekspozisiya 10% artıb”, - deyə “ITE Group”un Xəzər regionu üzrə direktoru Eduard Stroon bazar ertəsi Bakıda keçirilən mətbuat konfransında məlumat verib.
Onun sözlərinə görə, bu il sərgidə təmsil olunacaq yerli şirkətlərin sayı iştirakçıların ümumi sayının 35%-ni təşkil edəcək.
Cari ildə sərginin rəsmi açılış mərasimi ənənəvi olaraq Azərbaycan prezidenti İlham Əliyevin iştirakı ilə keçiriləcək. Sərgi iyunun 6-dək davam edəcək.
Bu il sərgidə Böyük Britaniya, Almaniya, İtaliya, Çin, Rusiya, ABŞ və Fransa öz milli stendlərini təqdim edəcəklər.
Sərgi çərçivəsində BP şirkəti və onun “Azəri-Çıraq-Günəşli”, Bakı-Tbilisi-Ceyhan, “Şahdəniz” və Cənub-Qafqaz boru kəməri layihələri üzrə tərəfdaşlarının “Alıcılarla tanış olun” (“Meet the buyer”) şüarı altında tədbir keçiriləcək. Tədbirdə istismar təminatı, mühəndis-texniki işlər, inşaat, maddi-texniki təminat, tullantıların toplanması və utilizasiyasının təşkili sahəsində ixtisaslaşan yerli şirkətlər iştirak edəcəklər.
4-5 iyun tarixlərində sərgi çərçivəsində dünyanın 30 ölkəsindən 500-dən artıq nümayəndənin iştirakı ilə konfrans keçiriləcək. Konfransın proqramına dövlət strukturlarının 50-dən çox nümayəndəsi, neft-qaz sahəsində aparıcı ekspertlər və iri neft-qaz şirkətlərinin rəhbərlərinin çıxışı daxil edilib.
Konfransın proqramına aşağıdakı mövzular daxil edilib: “Avrasiya üçün energetika təchizatında Azərbaycanın rolu”, “Hasilatın artırılmasında və təchizat mənbələrinin diversifikasiyası sahəsində beynəlxalq əməkdaşlıq”, “Xəzər regionundan neft və qazın nəqli yollarının diversifikasiyası”, “İri neft və qaz layihələrinin sabit inkişafının təmin edilməsi: qaz qiymətlərinin formalaşdırılması və uzunmüddətli müqavilələr”, “Geoloji tədqiqatlar və Azərbaycanın karbohidrogen ehtiyatları bazasının genişləndirilməsi imkanları”, “Avrasiyanın ekoloji və sənaye təhlükəsizliyi standartlarının yüksəldilməsi”, “Azərbaycanda neft-kimya və neft emalı sənayesinin icmalı və inkişaf perspektivləri”.
Konfrans çərçivəsində ХХI əsrin layihələri - “Şahdəniz-2”, “TANAP” və “ТАР” layihələri çərçivəsində beynəlxalq əməkdaşlıq, eləcə də dəniz platformaları, qazma qurğuları və sualtı boru kəmərlərinin inşasında innovasiyaların tətbiqi, o cümlədən Xəzər regionunun həm mədən sənayesində, həm də neft-qaz sərvətlərinin nəqli sahəsində yeni layihələr kimi aktual məsələlər geniş müzakirə olunacaq.
Xatırladaq ki, “Caspian Oil & Gas 2013” sərgisində dünyanın 28 ölkəsindən 386 şirkət iştirak edib.
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət