Azərbaycanın bölgələrində iribuynuzlu mal-qara arasında yayılmış nodulyar dermatit xəstəliyi nəticəsində 11 baş heyvan ölüb. Bu barədə “İnterfaks-Azərbaycan” agentliyinə Kənd Təsərrüfatı Nazirliyinin Dövlət Baytarlıq Xidmətinin mətbuat xidmətinin rəhbəri Yolçu Xanvəli məlumat verib.
“İndiyə qədər respublikanın 10 regionunda iribuynuzlu ev heyvanları arasında nodulyar dermatit xəstəliyi yayılıb. Ən ağır vəziyyət Ağdaş, Zərdab və Bərdə rayonlarında müşahidə olunur. Bu vaxt ərzində 11 heyvan tələf olub”,- deyə Y.Xanvəli qeyd edib.
Onun sözlərinə görə, ümumilikdə bu rayonlarda 1,6 min baş heyvanda bu virus qeydə alınıb, onlardan 1,2 min baş heyvan müalicə olunub, 400 baş heyvan isə mütəxəssislərin nəzarəti altındadır.
“Dövlət Baytarlıq Xidməti tərəfindən respublikanın bölgələrində gücləndirilmiş dezinfeksiya tədbirləri həyata keçirilir, xidmətin mütəxəssisləri yerlərə ezam olunublar”,- deyə o bildirib.
Mətbuat katibi məlumat verib ki, bu xəstəlik qansoran həşəratlar, o cümlədən ağcaqanadlar vasitəsi ilə yayılır. Bununla əlaqədar olaraq heyvanların yüksək rütubətli ərazilərdə saxlanılması, həmçinin onların örüşə aparılması tövsiyə olunmur”,- deyə o əlavə edib.
“Fermerlər heyvanların yeminə xüsusi diqqət yetirməli, onların kompleks qidalanmasını təmin etməlidirlər”,- deyə Y.Xanvəli bildirib.
Nodulyar dermatit virus mənşəli olmaqla qısamüddətli isitmə, dəri örtüyünün, limfa sisteminin, selikli qişanın zədələnməsi, dərialtı toxumalarda düyünlərin və nekrozların əmələ gəlməsi ilə səciyyələnir.
A.Zeydullayeva
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NeoKart sahibləri keşbek faizini özləri təyin edə biləcək!
Yelo Bank-ın dəstəyi ilə "Lider, yoxsa rəhbər" mövsuzunda top forum keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət