Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə “İnterfaks” informasiya agentliyinin Direktorlar Şurasının sədri Mixail Komissarı agentliyin 25 illiyi və “İnterfaks-Din” portalının 10 illiyi münasibəti ilə təbrik edib.
“Yarandığı ilk gündən yalnız Rusiyada deyil, bütün MDB ölkələrində geniş auditoriyanın sevgisini və etimadını qazanmış “İnterfaks-Din” informasiya portalının işini yüksək qiymətləndirirəm”,- deyə A. Paşazadənin məktubunda bildirilir.
Şeyx qeyd edir ki, bu gün istər MDB, istərsə də dünya miqyasında dini həyatın mənzərəsini “İnterfaks-Din” portalının məlumat və icmalları olmadan təsəvvür etmək qeyri-mümkündür.
“Siz nüfuzlu informasiya işində peşəkarlıq, obyektivlik kimi başlıca meyarları əsas götürərək bu asan olmayan sahədə böyük uğurlar qazanmısınız. Bir din xadimi kimi, müxtəlif millətlərin və dinlərin nümayəndələrinin onları maraqlandıran məlumatlar əldə etdiyi bu portalın yaradılması ideyasını yüksək qiymətləndirirəm”,- deyə şeyx bildirib.
Onun sözlərinə görə, “İnterfaks-Din” portalı dini informasiya istehsalı sahəsində liderlik edərək cəmiyyətin ən müxtəlif təbəqələrinin, xüsusən də dindarların dini istiqamətlərinin təyin olunmasında şüur və baxışlarına təsir etmək imkanına malikdir.
“Bu gün birlik ölkələrinin müstəqillik əldə edərək tərəqqi və inkişaf yolu ilə getdiyi bir zamanda xalqlarımızın keçmişinə məxsus olan bütün yaxşı dəyərlərin qorunması çox vacibdir. Tarixi qarşılıqlı hörmət, mehriban qonşuluq və həmrəylik ənənələrinə əsaslanmış dini məkanın qorunması işində “İnterfaks-Din” portalı böyük rol oynayır. MDB Dinlərarası Şurasının həmsədri olaraq mən bu şuranın işini geniş işıqlandırdığına, eləcə də postsovet məkanında dinlərarası əməkdaşlığın möhkəmləndirilməsinə verdiyi töhfəyə görə sizin kollektivinizə minnətdaram”,- deyə şeyxin təbrik məktubunda qeyd olunur.
F.İsazadə
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Azər Türk Bankda sərfəli kredit kampaniyası davam edir
TuranBank Habib American Bank-da ABŞ dollarında müxbir hesab açıb
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət