Azərbaycanın “Yaşıl Kart” (Green Card) beynəlxalq sığorta sisteminə daxil olması respublika vasitəsilə tranzit yükdaşımaları zamanı avtomobil nəqliyyatı ilə yük daşıyıcıların xərclərini bir qədər azaltmağa imkan verəcək. Maliyyə naziri Samir Şərifov belə hesab edir.
“Beynəlxalq yükdaşımalar zamanı Azərbaycanın rolunun artdığı şəraitdə “Yaşıl Kart” (Green Card) sisteminin tətbiqi mühüm əhəmiyyət kəsb edir. 1 yanvar 2016-cı il tarixindən Azərbaycana daxil olan “Yaşıl Kart” polisinə malik olan yük daşıyıcıları üçün ölkə daxilində icbari sığorta polisi əldə etmək lazım deyil. Bu Azərbaycan vasitəsilə tranzit yükdaşımaları zamanı yük daşıyıcıların xərclərini bir qədər azaltmağa imkan verəcək”, - deyə S.Şərifov cümə günü Maliyyə Nazirliyində keçirilən kollegiya iclasında bildirib.
Xəbər verildiyi kimi, 1 yanvar 2016-cı il tarixindən Azərbaycan “Yaşıl Kart” (Green Card) sisteminə üzv olan ölkələrin Cənub-Şərq Qrupuna daxil olacaq. Bu barədə İcbari Sığorta Bürosundan (İSB) məlumat verilib.
“Green Card” avtonəqliyyat vasitəsi sahiblərinin mülki məsuliyyətinin sığortası şəhadətnaməsinin bu sistemin iştirakçıları olan ölkələr arasında qarşılıqlı tanınması haqqında sazişdir.
1949-cu ildə Londonda avtomobil sığortaçılarının beynəlxalq konfransında BMT-nin İqtisadi və Sosial Şurasının tövsiyələri qəbul edilib və rəsmi olaraq mənzil-qərargahı Londonda yerləşən Büro Şurasının əsası qoyulub. 1951-ci ildə Büro Şurasının birinci rəsmi toplantısı baş tutub. Toplantıda sistemə üzv ölkələrin milli büroları arasında sazişin modeli razılaşdırılıb və “Yaşıl Kart”lar üçün vahid standartlar qəbul edilib. “Yaşıl Kart”a dair saziş 1953-cü il yanvarın 1-dən qüvvəyə minib. Sazişə əsasən, üzv ölkələrin hər biri tərəfindən verilmiş avtonəqliyyat vasitəsi sahiblərinin mülki məsuliyyətinin sığorta şəhadətnaməsi həmin sazişin iştirakçısı olan digər dövlətlərin ərazisində etibarlı sayılır.
İcbari Sığorta Bürosu “İcbari sığortalar haqqında” qanun çərçivəsində yaradılıb. Hazırda Azərbaycanda fəaliyyət göstərən 27 sığorta şirkətindən 15-i İSB-nin üzvüdür.
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət