2016-cı ilin mart ayında “BP-Azerbaijan” şirkəti Abşeron arxipelaqının dayazsulu hissəsində üçölçülü (3D) seysmik tədqiqatlara başlamağı planlaşdırır. Bu barədə “İnterfaks-Azərbaycan” agentliyinə şirkətdən bildiriblər.
“BP-Azerbaijan” Ətraf Mühitə və Sosial Sahəyə Təsirin Qiymətləndirilməsi (ƏMSSTQ) üzrə hesabatın layihə variantını hazırlayıb.
“Seymik tədqiqatlar 1,52 min kvadratmetr ərazini əhatə edəcək. İşlərə 2016-cı ilin mart ayında başlamaq və hava şəraitindən asılı olaraq 9 ay ərzində həyata keçirmək planlaşdırılır”, - deyə şirkətdən qeyd ediblər.
Qeyd olunan işlərin icrası məqsədilə ABŞ və Malayziyadan xüsusi avadanlıq, gəmilər və əcnəbi vətəndaşlardan ibarət işçi heyət gətiriləcək. Bununla yanaşı, Azərbaycana məxsus gəmilər, avadanlıq və personal hazır vəziyyətə gətiriləcək.
Hesabatın hazırlanması Abşeron arxipelaqının dayazsulu hissəsində seysmik kəşfiyyat işlərinin aparılması zamanı meydana gələn təsirlərin və bununla əlaqədar sosial, iqtisadi və digər nəticələrin qarşısının alınması və ya minimuma çatdırılması məqsədi daşıyır.
ƏMSSTQ layihəsi üzrə təklif və iradların qəbulu cari il fevralın sonunda başa çatacaq.
Xəbər verildiyi kimi, 2014-cü il dekabrın 22-də Azərbaycan Dövlət Neft Şirkəti (SOCAR) ilə BP şirkəti arasında Abşeron yarımadasının ətrafındakı dayazsulu sahədə yerləşən potensial perspektiv strukturlarda birgə geoloji kəşfiyyat işlərinin aparılması və işlənməsi haqqında hasilatın pay bölgüsü sazişi imzalanıb.
Müqavilə ərazisi 1,9 min kvadratmetr təşkil edir. Saziş üzrə 50% pay BP, 50% pay isə SOCARA-a məxsusdur.
Saziş çərçivəsində işlər 3 mərhələyə bölünüb: ilkin kəşfiyyat, əsas kəşfiyyat, yataqların işlənməsi.
30 aya qədər davam edəcək birinci mərhələ çərçivəsində BP 3D və 2D seymik tədqiqat həyata keçirməli, həmçinin işlərin bütün müqavilə ərazisində ətraf mühitə təsirini qiymətləndirməlidir.
Əgər BP bu müddət ərzində perspektivli strukturlar aşkar edərsə, o zamam şirkət 4 bu cür struktur seçmək və növbəti mərhələyə - əsas kəşfiyyata keçmək hüququna malikdir.
Müqaviləyə əsasən, ikinci mərhələnin reallaşması 3 ilə qədər müddəti əhatə edə bilər.
Bu dövrdə BP seçilən strukturların mühəndis-geoloji tədqiqatını aparmalı və həmin işlərin ətraf mühitə təsirinin qiymətləndirilməsinə dair hesabat hazırlamalıdır. Bu dövr ərzində podratçı kommersiya nöqteyi-nəzərindən qiymətli ehtiyatlar aşkar edərək bu barədə SOCAR-a məlumat verərsə, 6 ay ərzində həmin yataqların işlənməsi proqramını hazırlamalı və bundan sonra 3-cü mərhələ - birbaşa işlənmə prosesinə keçməlidir.
Saziş işlənmə mərhələsinin 23 il davam edəcəyini nəzərdə tutur, lakin bu dövr uzadıla bilər. BP işlənmə mərhələsinin başlandığı 36 ay ərzində sənaye hasilatına başlamalıdır.
Bundan başqa, sənədə əsasən, BP yerli kadrların təlimlərinə təxminən $200 min məbləğində xərcləri təmənnasız ödəməyi öhdəsinə götürüb.
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank biznes sahibləri üçün Mobil POS xidmətini təqdim edir
AccessBank dollar əmanətləri üzrə faiz dərəcələrini artırdı
AccessBank regionlarda iştirakını möhkəmləndirir: Yeni filial artıq Qubada
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət