SOCAR (Azərbaycan Dövlət Neft Şirkəti, ARDNŞ) 2016-cı ilin sonuna qədər “Günəşli” yatağındakı 10 saylı dəniz özülündə quyuları yanğından sonra təmir edərək istismara verməyə ümid edir. Bu barədə şirkətdən məlumat verilib.
Bu məsələ “Azneft” İstehsalat Birliyində (SOCAR-ın neft və qaz hasilatı üzrə strukturu - İF-Az) 2015-ci ilin texniki-iqtisadi göstəricilərinə dair hesabat müşavirəsi zamanı müzakirə olunub.
Birliyin baş direktoru Daşqın İskəndərov müşavirə zamanı qeyd edib ki, 2016-cı il üçün vacib məsələlərdən biri yarımçıq qalmış tikililərin başa çatdırılmasıdır. O, qəza baş vermiş “Günəşli” yatağındakı 10-cu özülün bərpasına dair tapşırıqlar verib və vurğulayıb ki, cari ilin sonuna kimi 10 saylı özüldəki quyuların təmir olunaraq istismara verilməsi nəzərdə tutulur.
D.İskəndərov istehsalatda bədbəxt hadisələrin, qəzaların baş verməməsi üçün mütəmadi yoxlamaların keçiriləcəyi qeyd edib, yeni özüllərin, meydançaların tikintisinin nəzərdə tutulduğunu bildirib.
Baş direktor 2016-cı ilin “neft sənayesi üçün vacib bir il olacağını” vurğulayıb və hasilat səviyyəsinin yüksəldilməsi istiqamətində səylərin daha da artırılmasının, yüksək peşəkarlığa malik kadrların irəli çəkilməsinin vacibliyini qeyd edib.
Daha əvvəl SOCAR-ın prezidenti R.Abdullayev bəyan etmişdi ki, quyuları təmir etmək üçün 3-4 ay vaxt lazımdır. “Yatağı mayın sonuna kimi tam həcmdə istifadəyə verməyə çalışacağıq. Bu yataqdan 1,3 mln. kubmetr qaz və 1 min ton neft hasil olunurdu. Cari ildə illik hasilatın həcmi 500-600 min ton az olacaq”, - deyə o vurğulamışdı.
Xatırladaq ki, dekabrın 4-də “Günəşli” yatağındakı 10 saylı dərin dəniz özülündə yüksək atmosfer təzyiqi ilə işləyən sualtı qaz xəttinin dayaq borusu qırılıb, boru kəməri zədələnib və yanğın baş verib. Əlverişsiz hava şəraiti xilasedici gəmilərin özülə yaxınlaşmasına imkan verməyib. 33 nəfər xilas edilib. 12 neftçinin cəsədi tapılıb, 18 nəfərin axtarışları davam etdirilir.
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank “Summer Challenge 2024” təcrübə proqramını elan edir
AccessBank İsveçrənin responsAbility Investment AG şirkətindən $5 mln kredit cəlb edib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət