Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında "Azərbaycan Respublikasının 2016-cı il dövlət büdcəsinin icrası haqqında" qanun layihəsinə parlamentin plenar iclasında baxılması tövsiyə olunub.
"İnterfaks-Azərbaycan" agentliyinin müxbirinin verdiyi məlumata görə, iclasda qanun layihəsini maliyyə nazirinin müavini Azər Bayramov təqdim edib.
"2016-cı ildə dövlət büdcəsinin gəlirləri 17 mlrd. 505,7 mln. manat və ya proqnozun 104,1%-i səviyyəsində icra edilib. Dövlət büdcəsinin gəlirlərinin ÜDM-də xüsusi çəkisi yüksək olaraq qalır. Ötən il bu göstərici 29% təşkil edib", - deyə A.Bayramov bildirib.
2015-ci illə müqayisədə dövlət büdcəsinin gəlirləri 1%-dən az və ya 7 mln. 714,8 min manat artıb.
"2016-cı ildə qeyri-neft sektorundan dövlət büdcəsinə 8 mlrd. 280,6 mln. manat vəsait daxil olub, plan tapşırığı 109% yerinə yetirilib. Dövlət büdcəsinin ümumi gəlirlərində onların payı 47,3% təşkil edib ki, bu da 2015-ci illə müqayisədə 5,7 faiz bəndi çoxdur. 2015-ci illə müqayisədə bu gəlirlər 1 mlrd. 2 mln. 528,9 min manat və ya 13,8% artıb", - deyə o qeyd edib.
Dövlət büdcəsinin xərcləri 17 mlrd. 751,3 mln. manat və ya proqnozun 96%-i səviyyəsində icra edilib ki, bu da 2015-ci illə müqayisədə 33,2 mln. manat və ya 0,2% azdır. 2016-cı ildə ÜDM-də dövlət büdcəsinin xərclərinin xüsusi çəkisi 29,4% təşkil edib.
"Ötən il dövlət büdcəsinin kəsiri 245 mln. 604,1 min manat təşkil edib ki, bu da 1 mlrd. 673 mln. manat məbləğində təsdiq edilmiş proqnozdan azdır. 2016-cı ildə faktiki büdcə kəsiri ÜDM-nin 0,4%-ni təşkil edib və bu, proqnozdan 2,5 faiz bəndi azdır. Kəsir, əsasən özəlləşdirmədən əldə olunan gəlirlər, xarici qrantlar və digər mənbələr hesabına doldurulub", - deyə nazir müavini vurğulayıb.
"2016-cı il dövlət büdcəsinin icrası haqqında" qanun parlamentin mayın 31-də keçiriləcək plenar iclasında müzakirə ediləcək.*
A.Axundov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət