SOCAR şirkəti (ARDNŞ) 2020-ci ilin sonuna kimi “Azərneftyağ” neft emalı zavodundakı ELOU-AVT qurğusunun Heydər Əliyev adına Bakı Neft Emalı Zavoduna (BNEZ) köçürülməsini yekunlaşdırmağı planlaşdırır. Bu barədə SOCAR-ın emal üzrə vitse-prezidenti David Məmmədov bu gün jurnalistlərə bildirib.
“Heydər Əliyev adına Neft Emalı Zavodunun modernizasiya və yenidənqurma proqramı çərçivəsində neftin ilkin emalı (ELOU-AVT) qurğusunun “Azərneftyağ” neft emalı zavodundan köçürülməsi nəzərdə tutulur. Bu proqramın 2021-ci ilin I rübündə başa çatmasını nəzərə alaraq, qurğunun köçürülməsi 2020-ci ilin sonunadək yekunlaşmalıdır. Bundan sonra sazlama və işə salma həyata keçiriləcək”, - D.Məmmədov qeyd edib.
ELOU-AVT qurğusunun illik məhsuldarlığı 2 mln. ton təşkil edir.
O həmçinin xatırladıb ki, 2018-ci ilin sentyabr ayında BNEZ-də bitum istehsalı qurğusu istismara veriləcək.
Xəbər verildiyi kimi, H.Əliyev adına Neft Emalı Zavodunun modernləşdirilməsi ümumilikdə 3 mərhələdə həyata keçiriləcək və 14 qurğunun tikintisini nəzərdə tutur. Layihə $2,2 mlrd. səviyyəsində qiymətləndirilir.
BNEZ-in yenidənqurulmasının birinci mərhələsi 2018-ci ildə başa çatacaq. Nəticədə, yeni bitum qurğusu, ümumi zavod təsərrüfatı qurğuları və yeni LPG məntəqəsi istifadəyə veriləcək.
2020-ci ilin sonunda BNEZ-in yenidənqurulmasının ikinci mərhələsinin yekununda “Avro-5” standartları üzrə dizel yanacağının istehsalı, üçüncü mərhələnin yekunları üzrə - “Avro-5” standartları üzrə Aİ 92/95/98 markalı avtomobil benzininin istehsalı təşkil olunacaq.
Tam həcmdə zavodun modernləşdirilməsi 2021-ci ildə başa çatacaq. Bu layihə nəticəsində neft emalı üzrə zavodun gücü 6 mln.-dan 7,5-8 mln. tonadək artacaq. **
N.Abbasova
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Dünyanın ən məşhur idman və əyləncə kanalları indi “CityNet”də!
Azər Türk Bank daha bir filialını istifadəyə verdi
AccessBank Masallıda filialının açılması ilə regional şəbəkəsini genişləndirir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət