Rusiyanın АКRА reytinq agentliyinin analitikləri Azərbaycanda manatın devalvasiyaya məruz qalacağını ehtimal etmirlər və onun məzənnəsinin möhkəmlənəcəyini proqnozlaşdırırlar.
"2022-ci ilin sonunadək manatın məzənnəsi sabit qalacaq, devalvasiya ehtimalı isə azdır", - deyə agentliyin Azərbaycan üzrə iqtisadi icmalında bildirilir.
Agentliyin qiymətləndirmələrinə görə, manatın devalvasiyasının ardınca inflyasiyanın yüksəlməsi və əhalinin gəlirlərinin azalması prosesi 2017-2018-ci illərdə dayanıb. "Lakin tənzimləyicinin cari çevik məzənnə rejimini nə qədər saxlamağa nail olacağı məsələsi açıq qalır”, - deyə icmalda vurğulanır.
АКRА-da hesab edirlər ki, daha əlverişli xarici konyunktura tədiyə balansı ilə bağlı vəziyyətin yaxşılaşmasına kömək edir. 2017-ci ilin I rübündə tədiyə balansının saldosu ilkin gəlirlər üzrə ödənişlərin azalması sayəsində müsbət olub. АКRА cari əməliyyatlar hesabını 5–5,7% səviyyəsində proqnozlaşdırır. Bu, onunla şərtlənib ki, müsbət ticarət balansı mənfi ilkin gəliri üstələyir. Ticarət balansının müsbət zonaya çıxışı üçün Azeri Light” markalı neftin bir barelinin qiyməti 45 ABŞ dolları səviyyəsində müəyyən edilib.
"Digər tərəfdən, proqnoz dövründə (2018-2022) dünya bazarında karbohidrogenin qiymətindəki ciddi dəyişikliklər milli valyutanın məzənnəsinin aşağı düşməsinə səbəb ola bilər. Yeni xarici iqtisadi şokların yaranması isə tədiyə balansının pisləşməsi ilə nəticələnə bilər (2018-ci ilin I rübünün yekunları üzrə ölkə ixracının 89%-ə qədəri neft, qaz və neft məhsullarının payına düşür”, - deyə sənəddə qeyd olunur.
Analitiklərin qiymətləndirmələrinə görə, inflyasiya gözləntilərinin zəifləməsini, artım templərinin ləngiməsini, eləcə də Azərbaycanın beynəlxalq ehtiyatların həcminə görə ölkənin 8-9 ay ərzində ümumi idxalına (2022-ci ilin sonuna bu göstərici üzrə proqnoz $8,5 mlrd. təşkil edir) uyğun səviyyəyə çatmasını nəzərə alaraq, manatın dollara nisbətən məzənnəsi sabit - 1,66–1,73 diapazonunda olacaq, proqnoz dövrünün sonuna isə 1,66 manatadək möhkəmlənəcək.*
A.Əzizov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo Bank-ın dəstəyi ilə növbəti SHE Congress tədbiri keçiriləcək
Yelo Bank biznes sahibləri üçün Mobil POS xidmətini təqdim edir
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət