Kənd Təsərrüfatı Nazirliyi və İqtisadiyyat Nazirliyi pambıq istehsalı və emalı ilə məşğul olan şirkət rəhbərləri ilə pambığın alış qiymətinin artırılması barədə razılıq əldə ediblər. Bu barədə “İnterfaks-Azərbaycan” agentliyinə Kənd Təsərrüfatı Nazirliyindən məlumat verilir.

Kənd Təsərrüfatı Nazirliyinin, İqtisadiyyat Nazirliyinin məsul işçilərinin iştirakı ilə pambıq istehsalı və emalı ilə məşğul olan şirkət rəhbərləri ilə görüş keçirilib. Görüşdə cari ildə görülən işlər, pambıq yığımının gedişi, tədarükü və emalı vəziyyəti, eləcə də qarşıya qoyulan hədəflərə nail olunması üçün həyata keçirilməsi vacib olan məsələlər müzakirə edilib. Pambığın növlər üzrə mövcud alış qiymətlərinin hər ton üçün 50 manat artırılması barədə razılıq əldə edilib”, - nazirlikdən bildiriblər.

Razılığa əsasən, 2018-ci ildə 1-ci növ - 650 manat, 1-ci növ - 630 manat, 3-cü növ - 590 manat, 4-cü növ - 550 manat təşkil edəcək.

Pambığın hər tonunun alış qiymətinin 50 manat artırılması pambıq istehsalı ilə məşğul olan fermerlərin əlavə olaraq 12 mln. manat məbləğində qazanc əldə etməsi gözlənilir.

Xıbır verildiyi kimi, 2018-ci ildə Azərbaycanda 260 min ton pambıq yığılacağı gözlənilir.Bu il 132,5 min hektar sahədə pambıq əkilib.Ötən il bu göstərici 207,5 min ton təşkil edib

“Azərbaycan Respublikasında pambıqçılığın inkişafına dair 2017-2022-ci illər üçün Dövlət Proqramı” ölkədə çiyidli pambığın istehsal həcminin ildə 500 min tona çatdırılmasını nəzərdə tutur.**

A.Əzizov