2018-ci ilin yanvar-sentyabr aylarında “BTC Co” şirkətinin (Bakı-Tbilisi-Ceyhan (BTC) neft kəmərinin tikintisi və istismarı üzrə operator) BTC layihəsi üzrə əsaslı xərcləri $108 mln. təşkil edib ki, bu da 2017-ci ilin müvafiq dövrünün göstəricisi ilə müqayisədə 10% azdır. Bu barədə “İnterfaks-Azərbaycan” agentliyinə “BTC Co” şirkətinin mətbuat xidmətindən məlumat verilib.
“2018-ci ilin 9 ayı ərzində boru kəmərinin fəaliyyəti üçün əməliyyat xərcləri $87 mln. (azalma 13,9%), əsaslı xərclər $21 mln. (artım 10,5%) təşkil edib”, - deyə şirkətin nümayəndəsi qeyd edib.
Şirkətin məlumatına görə, ümumilikdə BTC neft kəmərinin istismara verildiyi 2006-cı il iyunun 4-dən 2018-ci ilin sentyabr ayının sonunadək Ceyhan terminalından 4,001 min tanker yüklənib və BTC kəməri ilə dünya bazarına 408 mln. tondan çox neft göndərilib.
Yanvar-sentyabr aylarında BTC neft kəməri vasitəsilə 25 mln. tondan çox neft nəql edilib, Ceyhan limanından 243 tanker yola salınıb.
Xəbər verildiyi kimi, 2017-ci ildə “BTC Co” şirkətinin BTC layihəsi üzrə xərcləri $162 mln., o cümlədən əsaslı xərcləri $29 mln., əməliyyat xərcləri $133 mln. təşkil edib.
Layihənin iştirakçıları BP (30,1%); SOCAR (25%); “Chevron” (8,9%); “Statoil” (8,71%); TPAO (6,53%); ENI (5%); “Itochu” (3,4%); ExxonMobil (2,5%); INPEX (2,5%), Total (5%) və ONGC (2,36%) şirkətləridir.*
Hazırda “Azəri-Çıraq-Günəşli” yataqlar blokundan çıxarılan neft və “Şahdəniz” yatağından çıxarılan kondensat BTC boru kəməri ilə nəql olunur. Həmçinin 2010-cu ilin iyun ayından etibarən boru kəməri ilə Türkmənistan neftinin nəqlinə başlanılıb.
BTC neft kəmərinin uzunluğu 1768 km-dir. Bunun 443 km-i Azərbaycan, 249 km-i Gürcüstan, 1076 km-i Türkiyə ərazisindədir. Boru kəmərinin ötürmə qabiliyyəti sutkada 1,2 mln. bareldən çoxdur.*
B.Rüstəmbəyov
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
NeoKart sahibləri keşbek faizini özləri təyin edə biləcək!
Yelo Bank-ın dəstəyi ilə "Lider, yoxsa rəhbər" mövsuzunda top forum keçirilib
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət